યુપી / ખૂંખાર માફિયા મુખ્તાર અંસારીના દિવસો પૂરા, ગેંગસ્ટર એક્ટ હેઠળ 10 વર્ષની સજા, પાંચ લાખનો દંડ

• યુપીના બાહુબલી નેતા મુખ્તાર અંસારીના વળતાં પાણી
• 1996ના અનેક ગુનામાં કોર્ટે દોષી ઠેરવ્યો
• 10 વર્ષની જેલની સજા ફટકારી 

યુપીમાં એક જમાનામાં જેની તૂતી બોલતી હતી તેવા ખૂંખાર માફિયા મુખ્તાર અંસારીના દિવસો પૂરા થયા છે. 1996ના અનેક ગુનામાં સંડોવણી બદલ ગાઝીપુરની ગેંગસ્ટર કોર્ટે અંસારીને 10 વર્ષની સજા અને 5 પાંચ લાખનો દંડ ફટકાર્યો છે. 
કોર્ટે તેના સાથી ભીમ સિંહને પણ દોષી ઠેરવ્યો છે. 

અંસારી હાલમાં ઈડીની કસ્ટડીમાં, બાંદા જેલમાં બંધ છે 
પૂર્વાંચલના ધારાસભ્ય મુખ્તાર અંસારી સામે 1996ના ગેંગસ્ટરના કેસમાં ગુરુવારે કોર્ટે પોતાનો ચુકાદો સંભળાવ્યો હતો. ગાઝીપુરની વિશેષ સાંસદ ધારાસભ્ય કોર્ટે લગભગ 2.30 વાગ્યે પોતાનો ચુકાદો આપ્યો છે. જો કે ચુકાદા સમયે મુખ્તાર અંસારી કોર્ટમાં હાજર નહોતા. હાલમાં તે ઈડીની કસ્ટડીમાં છે અને સુરક્ષાના કારણોસર મુખ્તાર અંસારીને ગાજીપુર કોર્ટમાં હાજર રાખવામાં આવ્યો નહોતો. 

કયા કેસમાં દોષી ઠરાવાયો 
મુખ્તાર અંસારી સામે 1996માં દાખલ કરવામાં આવ્યો હતો. પાંચ કેસના આધારે મુખ્તાર સામે ગેંગસ્ટરની કાર્યવાહી કરવામાં આવી હતી જેમાં કોંગ્રેસ નેતા અજય રાયના મોટા ભાઈ અવધેશ રાયની હત્યા, એડિશનલ એસપી પરનો જીવલેણ હુમલો, માલા ગુરુ હત્યાકાંડ, કોન્સ્ટેબલ રઘુવંશ સિંહ હત્યાકાંડ અને પોલીસકર્મીઓ પર હુમલાના કેસ સામેલ છે. આ તમામ કેસમાં અંસારીને દોષી ઠેરવાયો છે.