- રાષ્ટ્રપિતાની સમાધિ ખાતે પહોંચ્યા રાષ્ટ્રાધ્યક્ષો
- વિશ્વના મોટા નેતાઓએ ગાંધીજીને અર્પણ કરી પુષ્પાંજલિ
- ભારત મંડપમના સાઉથ પ્લાઝામાં વૃક્ષારોપણ કાર્યક્રમ ભાગ લીધો
આજે G20 સમિટનો બીજો દિવસ છે. ભારત આજે બ્રાઝિલને 2024માં G20ની અધ્યક્ષતાની જવાબદારી સોંપશે. દિલ્હીમાં હાજર વિશ્વના મોટા નેતાઓ આજે સવારે મહાત્મા ગાંધીની સમાધિ સ્થળ પર પહોંચ્યા હતા. જ્યાં તેઓએ મહાત્મા ગાંધીને પુષ્પાંજલિ અર્પણ કરી હતી.
રાજઘાટ ખાતે બાપુને શ્રદ્ધાંજલિ
આજે સવારે અમેરિકી રાષ્ટ્રપતિ જો બાયડન સહિત વિશ્વના મોટા નેતાઓ રાજઘાટ ખાતે મહાત્મા ગાંધીને શ્રદ્ધાંજલિ અર્પણ કરવા માટે પહોંચ્યા હતા. જ્યાં પીએમ મોદીએ ખાદીની સ્ટોલ પહેરાવીને વિદેશી મહેમાનોનું સ્વાગત કર્યું છે. જે બાદ G-20 દેશોના નેતાઓએ મહાત્મા ગાંધીને શ્રદ્ધાંજલિ અર્પણ કરી હતી.
વૃક્ષારોપણ સમારંભમાં ભાગ લીધો
ત્યારબાદ પીએમ મોદીએ જો બાયડન સહિત તમામ નેતાઓને સાબરમતી આશ્રમ વિશે માહિતી આપી હતી. અહીં મહાત્મા ગાંધીનું પ્રિય ભક્તિ ગીત 'વૈષ્ણવજન તો તેને રે કહીયે, જે પીડ પરાઈ જાણે રે...'ગવાયું હતું. ત્યારબાદ વિશ્વના નેતા અને અન્ય પ્રતિનિધિ ભારત મંડપમના લીડર્સ લાઉંઝમાં પહોંચ્યા હતા. જ્યાં તમામ નેતાઓએ ભારત મંડપમના સાઉથ પ્લાઝામાં વૃક્ષારોપણ સમારંભમાં ભાગ લીધો હતો.
Delhi G20 Summit 2023: બીજા દિવસનો કાર્યક્રમ
- 8.15-9 AM: દુનિયાના દિગ્ગજ નેતાઓ મહાત્મા ગાંધીને નમન કરવા રાજઘાટ પહોંચશે
- 9-9.20 AM: મહાત્મા ગાંધીની સમાધિ પર પુષ્પાંજલિ અર્પણ કરશે
- 9.40-10.15 AM: ભારત મંડપમ ખાતે પહોંચશે દિગ્ગજ નેતાઓ
- 10.15-10.28 AM: ભારત મંડપમ ખાતે યોજાશે વૃક્ષારોપણ કાર્યક્રમ
- 10.30-12.30 AM:સમિટનું સત્ર 3 - વન ફ્યૂચર
