- પૂર્વ CM વિજય રૂપાણી સેન્સ પ્રક્રિયામાં નહીં કરે દાવેદારી
- ભાજપ જે કાર્ય સોંપે તે કરવાની દર્શાવી તૈયારી
- અગાઉ નીતિન ભારદ્વાજે કર્યો હતો વિજય રૂપાણી મામલે દાવો
ગુજરાતમાં હવે ચૂંટણીની તારીખો ગમે ત્યારે જાહેર થવાની સંભાવના છે ત્યારે ભારતીય જનતા પાર્ટીએ પોતાની તૈયારી વધુ તેજ બનાવી છે. આમ આદમી પાર્ટી દ્વારા સૌથી પહેલા ઉમેદવારો જાહેર કરવામાં આવ્યા છે જ્યારે કોંગ્રેસ અને ભાજપમાં હજુ ઉમેદવારોને લઈને વિચારણા ચાલી રહી છે. જોકે, ભાજપની ટિકિટ માટે જે રીતે પડાપડી થઈ રહી છે તે જોઈને નિરીક્ષકો પણ ચોંકી ઉઠ્યા છે. સૌરાષ્ટ્રની તો તમામ બેઠકો પર ઉમેદવારોનો રાફડો ફાટી નીકળ્યો હોય તેવી સ્થિતિ છે ત્યારે રાજ્યના પૂર્વ મુખ્યમંત્રી વિજય રૂપાણીને લઈને મહત્વના સમાચાર સામે આવ્યા છે.
અત્યાર સુધીમાં 3500 દાવેદારો નોંધાયા
ભાજપની સેન્સ પ્રકિયાના ત્રણ દિવસ પૂર્ણ થયા છે. ત્યારે અત્યાર સુધીમાં 182 બેઠક પરથી કુલ 3500 દાવેદારો નોંધાયા છે. નિરિક્ષકોએ તમામ દાવેદારોને સાંભળ્યા છે. હવે આ તમામ દાવેદારોનું લિસ્ટ હાઇકમાન્ડને મોકલવામાં આવશે અને ત્યારબાદ હાઇકમાન્ડ ઉમેદવાર નક્કી કરશે. આ વચ્ચે એક મોટા સમાચાર સામે આવ્યા છે. પૂર્વ મુખ્યમંત્રી વિજય રૂપાણી દાવેદારી નહીં કરે તેવી વાત સામે આવી છે.
.jpg)
ભાજપ જે કાર્ય સોંપે તે કરવાની રૂપાણીએ દર્શાવી તૈયારી
સેન્સ પ્રક્રિયામાં વિજય રૂપાણી દાવેદારી નહીં કરે. રાજકોટ પશ્ચિમ બેઠક પરથી વિજય રૂપાણી ધારાસભ્ય છે. તેમણે પાર્ટી જે કામ સોંપશે તે કરવાની તૈયારી પણ દર્શાવી છે. આપને જણાવી દઈએ કે, આ પહેલા નીતિન ભારદ્વાજે વિજય રૂપાણી મામલે દાવો કર્યો હતો. રાજકોટ પશ્વિમ બેઠક પર વિજય રૂપાણી લડે તો પહેલી પ્રાથમિકતા વિજય રૂપાણી હોવાનો નીતિન ભારદ્વાજે દાવો કર્યો હતો જયારે વિજય રૂપાણીએ પાર્ટી જે કાર્ય સોંપશે તે કરવાની તૈયારી દર્શાવી હતી.
નીતિન ભારદ્વાજે કર્યો હતો દાવો
ભાજપ અગ્રણી નીતિન ભારદ્વાજે કહ્યું હતું કે, પશ્ચિમ બેઠક માટે વિજય રૂપાણીનું નામ આવે તો તમામ કાર્યકરો તૈયાર જ છે. પશ્ચિમ બેઠક માટે પહેલા વિજય રૂપાણીનું નામ પછી મારી દાવેદારી, પાર્ટી હાઈકમાન્ડ દ્વારા જે પણ નિર્ણય લેવામાં આવશે તે સ્વીકાર્ય છે.
પૂર્વ બેઠક પર 21 નેતાઓએ નોંધાવી દાવેદારી
રાજકોટની કુલ ચાર બેઠક માટે સેન્સ પ્રક્રિયા હાથ ધરવામાં આવી હતી, રાજકોટ પૂર્વ બેઠક પર વર્તમાન ધારાસભ્ય અરવિંદ રૈયાણીની સામે 21 નેતાઓને દાવેદારી નોંધાવી છે. રાજકોટની પશ્ચિમ બેઠક પર કમલેશ મીરાણી, ડૉ. દર્શિતા શાહ, નીતિન ભારદ્વાજ, અનિલ દેસાઈ, કશ્યપ શુક્લ, બીનાબેન આચાર્ય, જગદીશ કોટડીયા, હર્ષિત કાવર, તેજસ ભટ્ટી અને કમલેશ વાઘેલાએ દાવેદારી નોંધાવી છે.
પૂર્વ બેઠક પક દાવેદારોનો રાફડો ફાટ્યો
પૂર્વ બેઠકના દાવેદારની વાત કરીએ તો પૂર્વ બેઠક પર રમેશ પરમાર, સંજય ગોસ્વામી, અરવિંદ રૈયાણી, અસ્વિન મોલ્યા, દલસુખ જાગાણી, બાબુભાઇ માટીયા, પરેશ લીંબાસીયા, જયંતિ સરધારા, ઉદય કાનગડ, ભારતીબેન પરસાણા, દેવાંગ કુકાવા, પોપટ ટોળીયા, ખીમજી મકવાણા, મનસુખ પીપળીયા, તેજસ ભટ્ટી, વલ્લભભાઈ દુધાત્રા, સંજય હિરાણી, રશિક વોરા, મુકેશ રાદડિયા અને રશિલા સાકરીયાએ દાવેદારી નોંધાવી છે.
ગોવિંદ પટેલ, ધનસુખ ભંડેરી, ડૉ. ભરત બોઘરા, ભારતી પરસાણા, સંજય ઘવા, વિનુ ઘવા, રમેશ ઘવા, ઉદય કાનગડ, વી.પી. વૈષ્ણવ, નીતિન રામાણી, નરેન્દ્ર સોલંકી અને જયંતિ સરધારાએ દક્ષિણ બેઠક પર દાવેદારી નોંધાવી છે.
