સ્વાસ્થ્ય / જમતા જમતા પાણી પીવાની ટેવ હોય એ લોકો ખાસ જાણી લેજો! શરીરમાં થાય છે આવા નુકસાન

• પહેલા તમારે પાચન પ્રક્રિયાને સમજવી પડશે
• ધીમે-ધીમે સ્થૂળતા વધવા લાગે છે
• ભોજન કર્યાના અડધા કલાક પછી જ પાણી પીવું 

આહારની સીધી અસર સ્વાસ્થ્ય પર પડે છે. તમે કેવા પ્રકારનાં આહારનું સેવન કરો છો તેની અસર તમારા સ્વાસ્થ્ય પર દેખાય જ છે. કેટલાક લોકોને જમતી વખતે પાણી પીવાની આદત હોય છે, કારણ કે તે તેમને ગળવામાં સરળ બનાવે છે. તમને લાગે છે કે આ તમારા સ્વાસ્થ્ય માટે સારું છે પરંતુ ક્યાંક તમે તમારી જાતને નુકસાન પહોંચાડી રહ્યા છો. સ્વાસ્થ્ય નિષ્ણાંતો મુજબ જમતી વખતે પાણીનું સેવન ટાળવું જોઈએ. જાણો તેનાથી શું નુકસાન થાય છે.

પહેલા તમારે પાચન પ્રક્રિયાને સમજવી પડશે
જમતી વખતે પાણી કેમ ન પીવું જોઈએ તે સમજવા માટે પહેલા તમારે પાચન પ્રક્રિયાને સમજવી પડશે. ખોરાક મોંમાં જતાની સાથે જ તમે તેને ચાવવાનું શરૂ કરો છો અને પછી તમારી ગ્રંથીઓ લાળ ઉત્પન્ન કરવાનું શરૂ કરે છે. તમારી લાળમાં ઉત્સેચકો હોય છે. જે ખોરાકને તોડી નાખે છે. આ ઉત્સેચકો પેટમાં એસિડિક હોજરીનાં રસ સાથે ભળી જાય છે અને જાડા પ્રવાહી બનાવવાનું શરૂ કરે છે. આ પ્રવાહી નાના આંતરડામાંથી પસાર થાય છે અને પોષક તત્વોને શોષવાનું શરૂ કરે છે. જો તમે નિયમિત રીતે પાણી પીઓ છો તો તે તમારા શરીરને હાઈડ્રેટ રાખે છે એટલું જ નહીં પાચનતંત્રમાં પણ સુધારો કરે છે, પરંતુ જમતી વખતે પાણી પીવું સારું નથી કારણ કે ખોરાક સાથે પ્રવાહી તમારી પાચનક્રિયાને નુકસાન પહોંચાડે છે. 

ધીમે-ધીમે સ્થૂળતા વધવા લાગે છે
આ માન્યતા ઘણા લોકોમાં ફેલાયેલી છે કે પાણી પીવાથી પેટના એસિડ અને પાચન ઉત્સેચકો પાતળા થાય છે અને પાચન સરળ બને છે, પરંતુ આ સંપૂર્ણપણે ખોટું છે. તેનાથી વિપરીત, જમતી વખતે પાણી પીવાથી પાચન પ્રક્રિયામાં સમસ્યા થાય છે. આનો બીજો ગેરલાભ એ છે કે તમારું પેટ દેખાવા લાગે છે અને ધીમે-ધીમે સ્થૂળતા વધવા લાગે છે. જેના કારણે શરીરનો આકાર સંપૂર્ણપણે બગડી જાય છે.

વાંચવા જેવું: વજન ઘટાડવું હોય કે પછી ચામડી અને વાળ ચમકતા કરવા હોય, આ બીજ 5 સમસ્યાઓમાં સૌથી વધુ કારગર

ભોજન કર્યાના અડધા કલાક પછી જ પાણી પીવું 
મોટાભાગના નિષ્ણાંતો સલાહ આપે છે કે વ્યક્તિએ ખોરાક ખાધા પછી તરત જ પાણી પીવાનું ટાળવું જોઈએ. સારું એ છે કે તમે ભોજન કર્યાના અડધા કલાક પછી જ પાણી પીવો, તેનાથી તમારું સ્વાસ્થ્ય સુધરશે અને પાચન પણ સ્વસ્થ રહેશે.