રાજકારણ / ચૂંટણી પહેલા છત્તીસગઢના પૂર્વ CM ભૂપેશ બઘેલ સામે FIR, મહાદેવ બેટિંગ એપ મામલે એક્શન

લોકસભા ચૂંટણી પહેલા છત્તીસગઢના પૂર્વ મુખ્યમંત્રી ભૂપેશ બઘેલની મુશ્કેલીઓ વધી ગઈ છે. મહાદેવ એપ કેસમાં તેમની સામે એફઆઈઆર નોંધવામાં આવી છે. પોલીસે ભૂપેશ બઘેલ વિરુદ્ધ છેતરપિંડી, ગુનાહિત કાવતરું, વિશ્વાસનો ભંગ અને બનાવટી અને ભ્રષ્ટાચાર નિવારણ અધિનિયમની કલમ 7 અને 11 સંબંધિત વિવિધ કલમો હેઠળ FIR નોંધી છે.

મહાદેવ એપ કેસમાં EOW એ છત્તીસગઢના ભૂતપૂર્વ મુખ્યમંત્રી ભૂપેશ બઘેલ સામે FIR દાખલ કરી

કુલ 21 લોકો સામે FIR દાખલ કરાઇ

ભૂપેશ બઘેલ રાજનાંદગાંવ લોકસભા બેઠક પરથી કોંગ્રેસના ઉમેદવાર છે#MahadevAPP #BhupeshBaghel pic.twitter.com/UQRxXlyclm

— DD News Gujarati (@DDNewsGujarati) March 17, 2024

સૂત્રો દ્વારા  મળતી માહિતી મુજબ રાયપુરની આર્થિક અપરાધ શાખાએ છત્તીસગઢના પૂર્વ સીએમ ભૂપેશ બઘેલ અને અન્ય લોકો સામે IPCની કલમ 120B, 34, 406, 420, 467, 468 અને 471 હેઠળ કેસ નોંધ્યો છે. સૂત્રોના જણાવ્યા અનુસાર ભૂપેશ બઘેલ અને અન્ય 21 લોકો વિરુદ્ધ 4 માર્ચે આ કેસ નોંધવામાં આવ્યો હતો.

વાસ્તવમાં, EDએ 508 કરોડ રૂપિયાથી વધુના મહાદેવ એપ સટ્ટાબાજીના કેસમાં તાજેતરમાં દાખલ કરવામાં આવેલી પૂરક ચાર્જશીટમાં પૂર્વ મુખ્યમંત્રી ભૂપેશ બઘેલના નામનો ઉલ્લેખ કર્યો છે. ચાર્જશીટમાં જેલમાં બંધ કેશ કુરિયર અસીમ દાસ દ્વારા આપવામાં આવેલા અગાઉના નિવેદનને ટાંકીને કહેવામાં આવ્યું છે કે મહાદેવ એપના પૈસા માત્ર પૂર્વ મુખ્યમંત્રી ભૂપેશ બઘેલ માટે મોકલવામાં આવ્યા હતા. જોકે, છત્તીસગઢના પૂર્વ મુખ્યમંત્રી બઘેલે આ સમગ્ર મામલાને રાજકીય ષડયંત્ર ગણાવ્યું છે. તેમનું કહેવું છે કે ષડયંત્રના ભાગરૂપે તેમનું નામ આ કેસમાં ખેંચવામાં આવી રહ્યું છે.