માર્ગદર્શિકા / Unlock 5 માં સ્કૂલો-કોલેજો અને કોચિંગ ક્લાસ માટે શું જાહેર થયું, જાણો સરકારની ગાઈડલાઈન

• કેન્દ્ર સરકાર દ્વારા જાહેર કરવામાં આવી Unlock 5 ની ગાઈડલાઇન્સ
• રાજ્ય સરકારને શાળા અને કોચિંગ સેન્ટરો ફરીથી ખોલવા માટે 15 ઑક્ટોબર પછી નિર્ણય લેવાની મંજૂરી
• Unlock 5 માં કેન્દ્ર સરકારે કન્ટેન્ટ ઝોનમાં જારી કરાયેલું કડક લોકડાઉન 31 ઑક્ટોબર સુધી વધાર્યું

જાણો શું કહે છે કેન્દ્ર સરકાર દ્વારા જાહેર કરવામાં આવી Unlock 5 ની ગાઈડલાઇન્સ !

કેન્દ્ર સરકાર એ 15 ઑક્ટોબરથી સિનેમા હોલ અને મલ્ટિપ્લેક્સ શરૂ કરવાની મંજૂરી આપી છે. આ સાથે ખેલાડીઓની તાલીમ માટે સ્વિમિંગ પુલ પણ ખોલવામાં આવશે.

Unlock 5 માર્ગદર્શિકામાં, કેન્દ્ર સરકારે 50 ટકા લોકો સાથે મનોરંજન પાર્ક ખોલવાની મંજૂરી આપી છે.

કેન્દ્ર સરકાર એ રાજ્ય સરકાર ને શાળા અને કોચિંગ સેન્ટરો ફરીથી ખોલવા માટે 15 ઑક્ટોબર પછી નિર્ણય લેવાની મંજૂરી આપી છે. જો કે, શાળા અને કોચિંગ સેન્ટર ફરીથી ખોલતા પહેલા માતા-પિતાની મંજૂરી લેવી જરૂરી છે.

ઉચ્ચ શિક્ષણ સંસ્થાનોમાં માત્ર PhD અને પ્રયોગશાળા અને પ્રાયોગિક સ્ટ્રીમમાં અનુસ્નાતક વિદ્યાર્થીઓ માટે જ મંજૂરી આપવામાં આવી છે. જેમને 15 ઑક્ટોબરથી ખોલવાની મંજૂરી આપવામાં આવી છે.

કેન્દ્રએ કહ્યું છે કે ઑનલાઈન અને ડિસ્ટન્સ લર્નિંગ હજી વૈકલ્પિક રહેશે. જ્યાં શાળા ઓનલાઇન વર્ગો ચલાવી રહી છે તે ચાલુ રહેશે. કેટલાક વિદ્યાર્થીઓ ફિઝિકલ રૂપથી હાજર થવાને બદલે ઑનલાઈન ક્લાસમાં ભાગ લેવાનું પસંદ કરે છે તો તેમને અનુમતિ આપી શકાશે.

માત્ર 100 લોકોને સામાજિક, શૈક્ષણિક, રમતગમત, મનોરંજન, સાંસ્કૃતિક, ધાર્મિક, રાજકીય અને અન્ય કાર્યક્રમોમાં ભાગ લેવાની મંજૂરી આપવામાં આવશે. આ કાર્યક્રમોમાં ભાગ લેવા કન્ટેનમેન્ટ ઝોનમાં રહેતા લોકો પર કડક પ્રતિબંધ રહેશે.

બિઝનેસ ટુ બિઝનેસ એક્ઝિબિશનને ગૃહ મંત્રાલય ની ગાઇડલાઇન્સની સાથે પરમિટ પણ આપવામાં આવી છે.

Unlock 5 માં, કેન્દ્ર સરકારે કન્ટેનમેન્ટ ઝોન માં જારી કરાયેલું કડક લોકડાઉન 31 ઑક્ટોબર સુધી વધાર્યું છે.

મહારાષ્ટ્રમાં કોરોના ના વધતા જતા કેસોને ધ્યાનમાં રાખીને લોકડાઉન 31 ઑક્ટોબર સુધી વધારવામાં આવ્યું છે. જો કે, 5 ઑક્ટોબરથી હોટલ, રેસ્ટોરાં, ફૂડ કોર્ટ અને બાર 50% બેઠક ક્ષમતા સાથે ખોલવામાં આવશે.