Kisan Loan Scheme / ખેડૂતો માટે ખુશખબરી! મોદી સરકાર 4%ના વ્યાજે આપી રહી છે KCC લોન, બસ પૂર્ણ કરવી પડશે આ એક શરત

• ખેડૂતો માટે સારા સમાચાર સમાન
• ખેડૂતોને KCC કાર્ડ દ્વારા ચાર ટકાના વ્યાજે અપાશે લોન
• ખેતરોમાં રવિ પાકનું વાવેતર કરવું ફરજિયાત

ખેડૂતો માટે સારા સમાચાર સમાન ખેડૂતોને KCC કાર્ડ દ્વારા માત્ર ચાર ટકાના વ્યાજે લોન આપવામાં આવશે. જેને લઈને SBI દ્વારા ખાસ ઝુંબેશ શરૂ કરાય છે. આ માટે ખાસ SBIએ ગ્રામીણ વિસ્તારોમાં પણ ખેડૂતોને જાગૃત કરવા માટે અભિયાન હાથ ધર્યું છે. આ લોન લોવા માટે  ખેતરોમાં રવિ પાકનું વાવેતર કરવું ફરજિયાત કરાયુ છે. મતલબ કે જો ખેડૂતો તેમના ખેતરોમાં રવિ પાકનું વાવેતર કરે છે, તો SBI કિસાન ક્રેડિટ કાર્ડ લોન માત્ર ચાર ટકાના વ્યાજે આપશે.

KCC કાર્ડ થકી લોન અપાશે

આ માટે સ્ટેટ બેંક ઓફ ઈન્ડિયાની શાખાના અધિકારીઓએ શ્યામધનિયા ગામમાં ખેડૂત શિબિર યોજી ખેડૂતોને તેમના ખેતરમાં રવિ પાકનું વાવેતર કરવા જણાવાયું હતું. રાઢી પશ્ચિમ પંચાયત સરકારી ભવન ખાતે શિબિર યોજાઈ હતી. અધિકારીઓ જણાવાયા અનુસાર એસબીઆઈએ ખેડૂતોને મોટા લોનમાંથી મુક્ત કરવા માટે 'કિસાન કે ઘર દ્વાર' અભિયાન હાથ ધર્યું છે. જેને લઈને પાકના વાવેતર માટે ચાર ટકાના વ્યાજે KCC કાર્ડ થકી લોન અપાશે.

ખેડૂતોએ ખેતરમાં રવિ પાકનું વાવેતર કરવું

રવિ પાક અંગે ખેડૂતોને બેંક ખેતી માટે જરૂરી રકમ આપશે. લણણી કર્યા પછી સરકારી દરે તમારા ઉત્પાદનો વેચી શકો છો અને પછી છ મહિનાથી એક વર્ષમાં બેંક લોનની ચુકવણી કરી શકો છો. લોન પરત કર્યા બાદ ખેડૂતો ફરીથી લોન લઈ શકે છે. આ માટે નાણા મંત્રાલયનો વિચાર ખેડૂતોને નજીવા વ્યાજ દરે કૃષિ લોન આપીને આર્થિક રીતે મજબૂત કરવાનો હોવાનું જાણવા મળી રહ્યું છે.