દિલ કે અરમા.. ! / ગુજરાતમાં ફૈઝલ પટેલ નારાજ તો UPમાં સલમાનનું છલકાયું દર્દ: કોંગ્રેસના ગઠબંધનથી જુઓ કયા દિગ્ગજોને લાગ્યો ઝટકો

કોંગ્રેસે આગામી લોકસભા ચૂંટણી માટે યુપીમાં સમાજવાદી પાર્ટી સાથે ગઠબંધન કર્યું છે. પાર્ટીએ દિલ્હી, ગુજરાત, હરિયાણા, ચંદીગઢ અને ગોવામાં આમ આદમી પાર્ટી સાથે હાથ મિલાવ્યા છે. ગઠબંધનના કારણે યુપીમાં આવી ઘણી સીટો સમાજવાદી પાર્ટીના ખાતામાં ગઈ છે, જ્યાંથી કોંગ્રેસ ભૂતકાળમાં ચૂંટણી લડતી રહી છે. ગુજરાતમાં ભરૂચ બેઠક પણ AAPના ખાતામાં ગઈ છે. જેને લઈને કોંગ્રેસના નેતાઓની નારાજગી સામે આવી છે. આ નેતાઓએ પણ વિકલ્પો શોધવાનું શરૂ કરી દીધું છે. ગુજરાતમાં કોંગ્રેસના દિગ્ગજ નેતા સ્વર્ગસ્થ અહેમદ પટેલની પુત્રી ગુમતાજ પટેલને આશા હતી કે પાર્ટી તેને અથવા તેના ભાઈ ફૈઝલને ભરૂચમાંથી લોકસભાના ઉમેદવાર બનાવશે.

ભરૂચ બેઠકને લઇને મુમતાઝ પટેલને હતી આશા 

પરંતુ કોંગ્રેસે આ સીટ આમ આદમી પાર્ટી માટે છોડી દીધી છે. તમને જણાવી દઈએ કે ભરૂચ અહેમદ પટેલની પરંપરાગત બેઠક રહી છે. તેઓ અહીંથી ત્રણ વખત લોકસભા સાંસદ રહી ચૂક્યા છે. કોંગ્રેસ અને AAP વચ્ચે ગઠબંધનની જાહેરાત બાદ, મુમતાઝ પટેલે તેના X હેન્ડલ પર એક પોસ્ટમાં લખ્યું હતું કે, 'ગઠબંધનમાં ભરૂચ લોકસભા સીટ સુરક્ષિત ન કરી શકવા બદલ હું મારા હૃદયના ઉંડાણથી અમારા જિલ્લા કેડરની માફી માંગુ છું. હું તમારી નિરાશા સમજી શકું છું. કોંગ્રેસને મજબૂત કરવા માટે અમે સાથે મળીને ફરી એક થઈશું. અમે અહેમદ પટેલના 45 વર્ષના વારસાને વ્યર્થ નહીં જવા દઈએ.

Deeply apologize to Our district cadre for not being able to secure the Bharuch Lok Sabha seat in alliance.I share your disappointment.Together, we will regroup to make @INCIndia stronger .We won’t let @ahmedpatel 45 years of Legacy go in vain. #bharuchkibeti

— Mumtaz Patel (@mumtazpatels) February 24, 2024

સલમાન ખુર્શીદ યુપીની ફરુખાબાદ બેઠક પરથી ચૂંટણી લડતા આવ્યા છે

તેવી જ રીતે કોંગ્રેસના વરિષ્ઠ નેતા સલમાન ખુર્શીદ યુપીની ફરુખાબાદ બેઠક પરથી ચૂંટણી લડતા આવ્યા છે. પરંતુ આ વખતે આ સીટ સમાજવાદી પાર્ટીના ખાતામાં ગઈ છે. આ અંગે સલમાન ખુર્શીદની નારાજગી સામે આવી છે. તેણે પોતાના એક્સ હેન્ડલ પરથી એક પોસ્ટમાં લખ્યું, ' ફર્રુખાબાદ સાથેના મારા સંબંધોને આખરે કેટલી કસોટીઓનો સામનો કરવો પડશે? સવાલ મારો નથી પણ આપણા બધાના ભવિષ્યનો છે. આવનારી પેઢીઓનો છે. ભાગ્યના નિર્ણયો સામે ક્યારેય ઝૂક્યો નથી. હું તૂટી શકુ છુ, પરંતુ ઝુકી ન શકું..મહત્વપૂર્ણ છે કે  ખુર્શીદ 1991 અને 2009માં ફર્રુખાબાદથી લોકસભા ચૂંટણી જીતી ચૂક્યા છે. 2014 અને 2019ની ચૂંટણીમાં તેમને આ સીટ પર હારનો સામનો કરવો પડ્યો હતો.

फ़र्रुख़ाबाद से मेरे रिश्तों के कितने इम्तहान का सामना करना पड़ेगा? सवाल मेरा नहीं पर हमारे सब के मुस्तक़ाबिल का है, आने वाली नस्लों का है। क़िस्मत के फ़ैसलों के सामने कभी झुका नहीं । टूट सकता हूँ , झुकूँ गा नहीं। तुम साथ देनेका वादा करो, मैं नघमे सुनाता रहूँ

— Salman Khurshid (@salman7khurshid) February 23, 2024

તેવી જ રીતે કોંગ્રેસના રવિ વર્મા લખીમપુર ખીરી લોકસભા બેઠક પરથી તેમની પુત્રી પૂર્વી વર્માને ટિકિટ મળવાની આશા  લઇને બેઠા હતા.. પરંતુ ગઠબંધન હેઠળ આ સીટ સપાના ખાતામાં ગઈ. પૂર્વ મંત્રી નકુલ દુબે, જેઓ બીએસપી છોડીને કોંગ્રેસમાં જોડાયા હતા, તેઓ સીતાપુર અને લખનૌ સીટ પર ટિકિટની આશા રાખતા હતા. લખનૌ સીટ સપાના હાથમાં ગઈ છે. કોંગ્રેસ પૂર્વ ધારાસભ્ય રાકેશ રાઠોડને સીતાપુરથી મેદાનમાં ઉતારવાની તૈયારી કરી રહી છે. કોંગ્રેસના પૂર્વ પ્રદેશ અધ્યક્ષ બ્રિજલાલ ખબરી જલોનથી લોકસભા ચૂંટણી લડવાની તૈયારી કરી રહ્યા હતા, પરંતુ આ સીટ પણ સપાએ લઈ લીધી છે.

આ પણ વાંચોઃ કોંગ્રેસના ત્યાગનું પરિણામ છે INDIA ગઠબંધન, જાણો કઈ રીતે તૂટતાં તૂટતાં બચી ગયું ગઠબંધન

એ જ રીતે કોંગ્રેસના નેતા રાજેશ પતિ મિશ્રા ભદોહીથી લોકસભા ચૂંટણી લડવાની તૈયારી કરી રહ્યા હતા, પરંતુ આ બેઠક પણ સમાજવાદી પાર્ટીના ફાળે ગઈ. બહુજન સમાજ પાર્ટી છોડીને કોંગ્રેસમાં જોડાયેલા નસીમુદ્દીન સિદ્દીકી ગોંડા બેઠક પર દાવો રજૂ કરી રહ્યા હતા. પરંતુ સપા અહીંથી લડશે. કોંગ્રેસના ઈમરાન મસૂદ બિજનૌર બેઠક પરથી ચૂંટણી લડવા માંગતા હતા. પરંતુ આ સીટ પણ સમાજવાદી પાર્ટીના ફાળે ગઈ છે. યુપીમાં જે 17 બેઠકો પર કોંગ્રેસ સપા સાથે ગઠબંધન કરીને લોકસભા ચૂંટણી લડશે તેમાં રાયબરેલી, અમેઠી, કાનપુર, ફતેહપુર સીકરી, બાંસગાંવ, સહારનપુર, પ્રયાગરાજ, મહારાજગંજ, વારાણસી, અમરોહા, ઝાંસી, બુલદાનશહર, ગાઝિયાબાદ, મથુરા, સીતાપુરનો સમાવેશ થાય છે. , બારાબંકી અને દેવરિયાનો સમાવેશ થાય છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો