ક્રાઈમ / કુલિંગ વોટરની આડમાં દારુનું રિફિલિંગ, સુરતના ઓલપાડમાં બૂટલેગરોનો કીમિયો જોઈને પોલીસ ચકરાવે ચઢી

• નકલી દારૂનું કારખાનું ઝડપાવા મામલે ખુલાસો
• કુલિંગ વોટર કારખાનાની આડમાં દારૂનો ધંધો
• આરોપી લુઝ પેકિંગમાં લાવતા હતા દારૂ

બુટલેગરો દારુની હેરાફેરી તેમજ દારૂના વેચાણ માટે નવા નવા કિમીયા અપનાવી રહ્યાં છે. વધુ એક કિમીયાનો પર્દાફાશ સુરત પોલીસે કરી કર્યો છે. સુરતના ઓલપાડ-સાયણ તરફ જતા માર્ગ પરથી દારૂનો કારખાનું ઝડપાયો છે. બુટલેગરો દ્વારા એક નવો કીમિયો અપનાવ્યો હોવાનું સામે આવ્યું છે. 

 નકલી દારૂનું કારખાનું ઝડપાયું
સુરતના ઓલપાડમાંથી નકલી દારૂનું કારખાનું ઝડપાયું છે, કુલિંગ વોટર કારખાનાની આડમાં દારૂનું રિફિલિંગ કરાતું હતું અને આરોપી લુઝ પેકિંગમાં દારૂ લાવતા હતા તેમજ લુઝ પેકિંગમાં દારૂ લાવી બ્રાન્ડેડ બોટલમાં ભરાતો હતો, દારૂ ઝડપાવા મામલે પોલીસ FSની મદદ લેશે. 

કુલિંગ વોટર કારખાનાની આડમાં દારૂનું રિફિલ કરાતું હતું
કુલિંગ વોટર કારખાનાની આડમાં દારૂનું રિફિલ કરવામાં આવતું હતું. હલકી કક્ષાના દારૂ ને ઉંચી બ્રાડની બોટલમાં રિફિલ કરતા હતા. બહારથી લુઝ પેકિંગમાં વિદેશી દારૂ લાવતા હતાં તેમજ કોઈ ને શંકા ન જાય તે માટે લુઝ પેકીંગમાં કેમિકલ ડ્રમમાં લાવતા હતા. જોકે પોલીસે રેડ કરી સમગ્ર કારોબારનો પર્દાફાશ કર્યો છે. સમગ્ર મામલે FSLની મદદ લેવામાં આવશે તેમજ પ્રાથમિક તબક્કે દારૂનું રિફિંલીગ થતું હોવાની માહિતી હાલ પ્રાપ્ત થઈ રહી છે. પોલીસે દારૂની બોટલો, સ્ટીકર, બૂચ, લુઝ પેકિંગ બેરલો સહિતનો મુદ્દામાલ કબ્જે કર્યો છે.