મહામારી / કોરોનાના નવા વેરિએંટ વિશે નિષ્ણાંતોનું મોટું નિવેદન, જાણો ક્યારે આવશે મહામારીનો અંત

• કોરોના અને ઓમિક્રોન વેરિએંટની લઈ નિષ્ણાંતોનું મોટું નિવેદન 
• ભારતમાં છેલ્લા 24 કલાકમાં કોરોના 2 લાખ કેસો નોંધાયા 
• નિષ્ણાંતો મુજબ જાન્યુઆરીના અંત સુધી કોરોના તેની ટોચ પર હશે 

ભારતમાં જાન્યુઆરીના અંત સુધીમાં  કોરોના પોતાની ટોચ પહોંચી શકે છે. 

ભારતમાં કોરોના વાયરસના કેસો વધી રહ્યાં છે. છેલ્લા 24 કલાક દરમિયાન દેશમાં લગભગ 2 લાખ કોરોનાના નવા કેસો નોધાય છે. ત્યારે અમેરિકાની મિશિગન યુનિવર્સિટીના ડેટા સાયન્ટિસ્ટ ભ્રમર મુખર્જીએ જણાવ્યું હતું કે, ભારતમાં હાલ  દિલ્હી, મહારાષ્ટ્ર અને પશ્ચિમ બંગાળ જેવા રાજ્યોમાં વધુ કેસો જોયા છે. અહીંયા કોરોના ચરમસીમાએ પહોંચી ગયું છે. પરંતુ અગામી 7 થી 10 દિવસોમાં આપણે જોઈશું કે, આ રાજ્યોમાં કોરોના કેસોમાં  ધીમે ધીમે પુનઃ ઘટાડો થશે છે. હાલ દિલ્હીમાં પોઝિટીવીટીનો દર થોડો ઓછો થયો છે. મને આશા છે કે, આવનારા 7 દિવસોમાં દેશના કેટલાક રાજ્યો પોતાના ચરમસીમા પર હશે એટલું જ નહી તેમણે વધુમાં ઉમેર્યુ હતું કે, ભારતમાં જાન્યુઆરીના અંત સુધીમાં  કોરોના પોતાની ટોચ પહોંચી શકે છે. 

ફેબ્રુઆરીના અંત સુધીમાં આ લહેર સમાપ્ત થઈ જશે.

આ સાથે તેઓએ કોરોના વાયરસનો નવો વેરિયન્ટ ઓમિક્રોન વિશે જણાવતા કહ્યું કે, ઓમિક્રોન વધુ સંક્રમિત છે. આ જંગલની આગની જેમ ફેલાઈ રહી છે. તેટલું જ નહી એવો પણ સંકેતો મળી રહ્યો છે. આ વેરિયન્ટ લાંબા સમય સુધી ટકી નહીં શકે. તેમણે કહ્યું કે, ફેબ્રુઆરીના અંત સુધીમાં આ લહેર સમાપ્ત થઈ જશે. જો કે, તમામ મોડેલો સંભાવનાઓ અને માનવ વર્તન પર આધાર રાખે છે. આપણને નથી ખબર ગંગા સાગરના મેળા જેવા આયોજન બાદ શું થશે. જો કે, આંકડાકીય સંકેતો જણાવી રહ્યાં છે. આ વેરિયન્ટ જાન્યુઆરીના અંત સુધી પોતાની પીક પર હશે અને ફેબ્રુઆરીમાં પૂર્ણ થઈ જશે