કચ્છમાં ક્રાંતિ / મુન્દ્રાના વીરાણીયા ગામના આહ્લાદક ડ્રોન દ્રશ્યો: બિનઉપજાઉ જમીન પર 18900 વૃક્ષો વાવી ઉભું કર્યું વન, ચોતરફ હરિયાળી છવાઇ

• કચ્છના મુન્દ્રા નજીક બનાવ્યું નંદનવન
• બિનઉપજાઉ જમીન પર વાવેલા વૃક્ષોનું જતન કરી સંકુલને નંદનવનમાં ફેરવ્યું
• નદીનાં પટને અડીને આવેલ હિલ સ્ટેશન જેવી અનુભૂતિ

 સુકામલક તરીકે જાણીતા કચ્છના મુંદ્રા તાલુકાના વિરણીયા ગામથી માત્ર 1100ની વસ્તી ધરાવતા આ નાનકડા ગામમાં 3 વર્ષ અગાઉ બિનઉપજાઉ 75 એકર જમીન પર વનવિભાગના સહયોગથી 18 હજાર 900 વૃક્ષોનું વાવેતર કર્યું હતું. જે બાદ ગામના ખેડૂતોએ આ વૃક્ષોને સમયસર પાણી અને ખાતરરૂપી ખોરાક આપી જતન પૂર્વકની માવજત લઇ તેનો ઉછેર કર્યો. અને આજે આ વન નજીકથી વહેતી ભૂખી નદીના પટ વિસ્તાર પાસે આ વન કોઈ હિલસ્ટેશન જેવી અનુભૂતિ કરાવે છે.  

 

 

 

યુરિયા જેવા ખાતરમાં પણ લીંબોળીની માંગ વધી
અહીં વૃક્ષોના ઉછેર માટે ડ્રેનેજનું પાણી ઉપયોગમાં લેવાય છે. અહીં સૌથી વધુ લીમડાનું વાવેતર કરાયું છે. કારણે કે હાલ પ્રાકૃતિક ખેતીમાં લીંબોળી વધુ ઉપયોગમાં લેવાય છે. તથા યુરિયા જેવા ખાતરમાં પણ હવે નિમકોટેડ આવતા હોવાથી લીંબોળીની માંગ વધી છે. જેથી આવનારા ભવિષ્યમાં આ ઉપવનમાંથી મોટા પ્રમાણમાં લીંબોળીનું ઉત્પાદન થશે. અને ગામના લોકો અને પંચાયત માટે પણ એક આવકનો સ્ત્રોત ઊભો થશે. જેથી આત્મનિર્ભર પંચાયત ગામનનું સપનું સાકાર થવાની લાગણી સરપંચે વ્યક્ત કરી છે.

ગ્રામ પંચાયતે વન કુટીર ઉભી કરી કાયાપલક કરી નાંખી
વિરાણીયા ગ્રામ પંચાયતે આહલાદક અનુભૂતિ કરાવતી વન કુટીરને ઉભી કરી સમગ્ર વિસ્તારની કાયાપલટ કરી નાખી છે. અહીં આસપાસ ઉદ્યોગોના આગમન બાદ ગામને પ્રદુષણથી બચાવા આ વન ઢાલ સમાન બની રહ્યું છે. અને અન્ય ગામને પણ પર્યાવરણની જાળવણી માટેની એક અનોખી પ્રેરણા પુરી પાડે છે.