વાસ્તુ ટિપ્સ / ભૂલથી પણ તિજોરી પાસે ન રાખવી જોઈએ આ વસ્તુઓ, નહીં તો બની જશો કંગાળ

• વાસ્તુ શાસ્ત્રમાં તિજોરીને લઈને થોડા નિયમો છે 
• નિયમોનું પાલન ન થાય તો તિજોરીમાં પૈસા ટકી રહેતા નથી. 
• કેટલીક વસ્તુઓ ક્યારેય પણ તિજોરીની પાસે ન રાખવી જોઈએ

વધુ પડતાં લોકો તેના ઘર અને દુકાનમાં તિજોરી બનાવે છે અને એ તિજોરીમાં એ તેનો કીમતી સામાન અને પૈસા રાખે છે. વાસ્તુ શાસ્ત્રમાં એ તિજોરીને લઈને થોડા નિયમો જણાવવામાં આવ્યા છે. જો એ નિયમોનું પાલન નથી કરવામાં આવતું તો ક્યારેય તિજોરીમાં પૈસા ટકી રહેતા નથી. 

પરંતુ કેટલીકવાર આપણે જાણતા-અજાણતા કેટલીક એવી ભૂલો કરી બેસીએ છીએ, જે આપણા દુર્ભાગ્યનું કારણ બની જાય છે. વાસ્તુશાસ્ત્ર મુજબ કેટલીક વસ્તુઓ ક્યારેય પણ તિજોરીની પાસે ન રાખવી જોઈએ.ભૂલથી પણ એ વસ્તુ ત્યાં રાખવામાં આવે છે તો મા લક્ષ્મી નારાઝ થઈ જાય છે અને ધનની ખામી થવા લાગે છે, આ વસ્તુઓ કઈ છે ચાલો જાણીએ.. 

સાવરણી 
એવું માનવામાં આવે છે કે સાવરણી ક્યારેય તિજોરીની નજીક ન રાખવી જોઈએ. જ્યાં તમે પૈસા કે કીમતી વસ્તુઓ રાખો છો તેની પાસે જો તમે સાવરણી રાખો છો તો દેવી લક્ષ્મી રૂઠી જાય છે અને તેમની કૃપા નથી મળતી. 

કાળા રંગના કપડાં 
કાળા રંગના કપડાને અશુભ માનવામાં આવે છે. એટલા માટે જ તેને ઘરની તિજોરી પાસે ક્યારેય ન રાખવું જોઈએ. સાથે એ વાતનું પણ ધ્યાન રાખો કે તિજોરીમાં રાખેલા પૈસા કે દાગીનાને કાળા રંગના કપડામાં ક્યારેય ન લપેટવું જોઈએ. આવું કરવાથી મા લક્ષ્મી નારાજ થઈ શકે છે. આ સિવાય જો તમે તિજોરીમાં પૈસાને કપડાંમાં લપેટીને રાખો છો તો તેને હંમેશા લાલ કપડામાં લપેટીને રાખવા જોઈએ. લાલ રંગને શુભ માનવામાં આવે છે. 

એઠાં વાસણો 
ઘણા લોકોને એવી ખોટી આદત હોય છે કે જ્યાં ભોજન કરે છે ત્યાં જ તેના એઠાં વાસણો છોડી દે છે. તમને જણાવી દઈએ કે તિજોરીની પાસે ક્યારેય પણ એઠાં વાસણો ન મુકવા જોઈએ. આ સાથે જ તિજોરીને ક્યારેય ભોજન કરતાં સમયે એઠાં હાથથી સ્પર્શવી પણ ન જોઈએ. આમ કરવાથી ધનની હાનિ થાય છે.