ટેક્નોલોજી / X યુઝર્સને લઇ એલન મસ્કે આપ્યા ગુડ ન્યુઝ, હવે Wappની ઊંઘ થશે હરામ! આવ્યું જોરદાર ફિચર્સ

X Voice and video calls : Elon Musk એ X યુઝર્સને મોટી ભેટ આપી છે. વાત હવે યુઝર્સ X પર વોઈસ અને વીડિયો કોલ કરી શકશે. ખાસ વાત એ છે કે X પર કોલ કરવા માટે યુઝર્સે ફોન નંબર એન્ટર કરવાનો રહેશે નહીં. આ સેવાનો લાભ લેવા માટે X ના પ્રીમિયમ સબ્સ્ક્રિપ્શનની જરૂર નથી. શરૂઆતમાં આ સુવિધા ફક્ત પ્રીમિયમ વપરાશકર્તાઓ માટે જ ઉપલબ્ધ હતી. હવે તે તમામ વપરાશકર્તાઓ માટે રોલઆઉટ કરવામાં આવી રહ્યું છે. Xનું આ ફીચર વોટ્સએપને ટક્કર આપવા જઈ રહ્યું છે. 

ભૂતપૂર્વ એન્જિનિયર એનરિક બેરેગને સોશિયલ મીડિયા પ્લેટફોર્મ પર આ સુવિધા વિશે માહિતી આપી હતી. તેમણે લખ્યું કે કંપની નોન-પ્રીમિયમ યુઝર્સ માટે ધીમે ધીમે ઓડિયો અને વિડિયો કોલિંગ ફીચર્સ લાવી રહી છે. નવા અપડેટના આગમન સાથે વપરાશકર્તાઓ હવે જે લોકોને અનુસરે છે અથવા તે સંપર્ક તેમની X એડ્રેસ બુકમાં હાજર હોય તે એકાઉન્ટ્સમાંથી કૉલ્સ પ્રાપ્ત કરી શકે છે.

How to audio or video call someone on 𝕏
pic.twitter.com/FUiPhPICgl

— Elon Musk (@elonmusk) March 1, 2024

કૉલ કરવા માટે શું છે જરૂરી ? 
કૉલ કરવા માટે તે જરૂરી છે કે બંને ખાતાઓએ કોઈક સમયે એકબીજા સાથે વાત કરી હોય. જો બે યુઝર્સ વચ્ચે એક પણ DM શેર કરવામાં આવે તો તેઓ એકબીજાને કોલ કરી શકશે. આમાં વપરાશકર્તાઓને નીચેના એકાઉન્ટ્સ અને પ્લેટફોર્મ પર હાજર કોઈપણ વપરાશકર્તા દ્વારા કૉલ્સ પ્રાપ્ત કરવાનો વિકલ્પ મળશે.

વધુ વાંચો: નથી કોલ કરતાં કે નથી મેસેજ, સ્માર્ટફોન વાપરનારા 86% લોકો કરે છે આ કામ, રિપોર્ટ નવાઈ પમાડે તેવો

X માં કરી રીતે કરશો કોલ ? 

• સૌ પ્રથમ તમારા Android અથવા iOS સ્માર્ટફોન પર X એપ્લિકેશન ખોલો અને DM વિભાગમાં જાઓ.
• વાત શરૂ કરવા માટે, ફોન આઇકોન પર ક્લિક કરો અને ઓડિયો અથવા વિડિયો કૉલ પસંદ કરો. આ કર્યા પછી રીસીવરને એક સૂચના મળશે કે તમે તેમને કૉલ કરવા માંગો છો.
• તમે ઉપરના જમણા ખૂણામાં આપેલા સેટિંગ્સમાં જઈને તમને કોણ કૉલ કરી શકે તે પણ સેટ કરી શકો છો.
• તમને જણાવી દઈએ કે કંપનીએ પહેલા આ ફીચર ફક્ત iOS અને X પ્રીમિયમ સબસ્ક્રિપ્શન માટે જ રોલઆઉટ કર્યું હતું.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો