કોરોના સંકટ / વિદ્યાર્થીઓ માટે ખાસ, કેન્દ્રીય શિક્ષણમંત્રીએ બોર્ડની પરીક્ષાને લઇને કરી મોટી વાત

• કોરોના વાયરસે મચાવ્યો કહેર 
• કેન્દ્રીય મંત્રી રમેશ પોખરિયાલ નિશંકે વિદ્યાર્થીઓ અને વાલીઓ સાથે કરી વાતચીત
• CBSE બોર્ડમાં 29 મૂળ વિષયોની પરીક્ષા યોજાવાની કરી વાત

આ વાતચીત દરમિયાન રમેશ પોખરિયાલ નિશંકે સરકારના ઉપાયોની જાણકારી આપી હતી. નિશંકે જણાવ્યું કે, કોરોના વાયરસની અસર શિક્ષણ વિભાગ પર પણ પડી રહી છે. જો કે, તેમણે કોરોના સામેની જંગમાં વિદ્યાર્થીઓના પ્રયાસની સરાહના કરી હતી. 

CBSE બોર્ડમાં 29 મૂળ વિષયોની પરીક્ષા યોજાશે 

નિશંકે સીબીએસઈ બોર્ડની પરીક્ષાઓ વિશેની મહત્વપૂર્ણ માહિતી આપી હતી. તેમણે કહ્યું કે, સીબીએસઈ બોર્ડની 83 પરીક્ષાઓ બાકી છે. પરંતુ તેમાંથી, 29 મૂળ વિષયો છે, જેની પરીક્ષા લેવામાં આવશે. રમેશ પોખરીયલ નિશંકે જણાવ્યું હતું કે, પરિસ્થિતિ સામાન્ય રહેશે અને ભારત સરકાર લોકડાઉનને સંપૂર્ણપણે ખોલશે ત્યારે જ બાકીની પરીક્ષાઓ લેવામાં આવશે. જોકે, નિશંકે આ માટે કોઈ અંતિમ તારીખ વિશે વાત કરી ન હતી.

Interacting with parents from across India #EducationMinisterGoesLive @PMOIndia @HMOIndia @HRDMinistry @mygovindia @PIB_India @MIB_India @DDNewslive https://t.co/vPVTE6VpBo

— Dr Ramesh Pokhriyal Nishank (@DrRPNishank) April 27, 2020

ભારતમાં કોરોના વાયરસને કારણે 870 થી વધુ લોકોનાં મોત થયાં છે

ભારતમાં કોરોના વાયરસને કારણે અત્યાર સુધીમાં 870 થી વધુ લોકોનાં મોત નીપજ્યાં છે. તે જ સમયે, દેશમાં આ રોગચાળાથી સંક્રમિત લોકોની સંખ્યા 28 હજારની નજીક પહોંચી ગઈ છે. જ્યાં સુધી આખી દુનિયાની વાત છે, વિશ્વમાં કોરોના વાયરસને કારણે 2 લાખથી વધુ લોકોનાં મોત નીપજ્યાં છે.