- સિંગતેલના ડબ્બામાં 50થી 60 નો વધારો
- કમોસમી વરસાદ ભાવ વધારાનું મોટું કારણ
- મગફળી,કપાસની આવક ઓછી થતાં વધારો
ખાદ્યતેલોના ભાવમાં ફરી એક વખત વધારો જોવા મળી રહ્યો છે. છેલ્લા એક સપ્તાહમાં જુદા-જુદા તેલમાં ડબ્બે રૂપિયા 50થી 60 નો વધારો જોવા મળી રહ્યો છે. સીંગતેલ સહિતના ખાતે તેલોમાં બાઉન્સ બેક ટ્રેન્ડ જોવા મળી રહ્યો છે. બાઉન્સ બેક ટ્રેન્ડ એટલે કે જે સીંગતેલ થોડા દિવસ અગાઉ 2700 રૂપિયામાં મળતું હતું તેનું આજે ભાવ 2870 રૂપિયા સુધી પહોંચ્યો છે. તેમજ હાલ સિંગતેલના ડબ્બાનો ભાવ ₹3,000 ને પાર કરવા ફરી એક વખત અગ્રેસર બન્યો છે. ત્યારે છેલ્લા એક સપ્તાહમાં કપાસિયા તેલના ડબ્બાના ભાવમાં રૂપિયા 50થી 60 નો વધારો થયો છે.
પામ ઓઇલ,સનફ્લાવરમાં 40થી 50નો વધારો
પામ ઓઈલ, સનફ્લાવર ઓઇલ સહિતના સાઈડ તેલમાં પણ રૂપિયા 40 થી 50 નો વધારો જોવા મળી રહ્યો છે. સીંગતેલના ભાવમાં પણ ડબ્બે રૂપિયા 50 નો વધારો જોવા મળ્યો છે. તો બીજી તરફ તેલીયા રાજાઓનું કહેવું છે કે મગફળી કપાસની હાલ યાર્ડમાં ઓછી આવક છે. તેમજ હાલમાં જે કમોસમી વરસાદ પડ્યો છે તેના કારણે ઉનાળુ પાકને પણ અસર પહોંચી છે. જે સહિતના કારણો આગળ ધરી ખાદ્યતેલોમાં ફરી એક વખત આગ જરતી તેજી જોવા મળી રહી છે.
ગૃહણીઓનું બજેટ ફરી એક વાર ખોરવાયું
રાજ્યમાં કમોસમી વરસાદના કારણે વિવિધ પાકોમાં મોટું નુકસાન થતાં વિવિધ ખાદ્ય તેલમાં ભાવ વધારો જોવા મળી રહ્યો છે. કમોસમી કમઠાણના કારણે ઉનાળું પાકમાં અસર થઈ છે. મગફળી સહિતના પાકમાં ભારે નુકસાન થયું હોવાનું ખેડૂતો જણાવી રહ્યાં છે. ખાદ્ય તેલમાં ભાવ વધારાના પગલે ગૃહણીઓનું બજેટ ફરી એક વાર ખોરવાયું છે. થોડા સમય પહેલા ભાવ ઘટ્યાં હતાં જો કે, થોડા જ સમયમાં ફરી ભાવ વધારો થયો છે.
