- પિઝાને લઈને કરવામાં આવ્યું રિસર્ચ
- બીમારીઓને ઘટાડવામાં મદદરૂપ બને છે પિઝા
- પિઝા ખાવાથી સંધિવાનાં દુ:ખાવામાં થાય છે ઘટાડો
પિઝા એક સૌથી વધુ અનહેલ્ધી ફાસ્ટ ફૂડ માનવામાં આવે છે. કહેવામાં આવે છે કે પિઝા ખાવાથી વજન વધવાનો અને પેટ સંબંધિત સમસ્યાઓ થવાનો ભય રહે છે. ડાયાબિટીઝ, હાર્ટઅટેક અને હાઈબ્લડ પ્રેશર જેવી બીમારીઓ થઈ શકે છે. પરંતુ હાલમાં આવેલા એક રિપોર્ટમાં કહેવાયું છે કે પિઝા ખાવાથી આ તમામ બીમારીઓ થવાનો ખતરો વધતો નથી પરંતુ ઘટે છે. સ્ટડીમાં દાવો કરવામાં આવ્યો છે કે પિઝા ખાવાથી રૂમેટાઈડ અર્થરાઈટિસ (સંધિવા) ની તકલીફો દૂર થાય છે.
સ્ટડીમાં દાવો કરવામાં આવ્યો
સ્ટડીમાં કહેવામાં આવ્યું છે કે જો પિઝા ફ્રેશ સામગ્રીથી તૈયાર કરવામાં આવ્યો હોય તો તે સંધિવા સંબંધિત સમસ્યાઓ ઓછી કરી શકે છે. NHS અનુસાર સંધિવા એક ઓટોઈમ્યૂન ડિઝીઝ છે. આ બીમારી એવા જ લોકોને થાય છે જેમની ઈમ્યૂન સિસ્ટમ ભૂલથી હેલ્ધી સેલ્સ પર અટેક કરી દે છે જેના કારણે સોજો થવા લાગે છે. સંધિવામાં લોકોને સાંધામાં દુ:ખાવો ઉપડે છે. આ બીમારીનો હાલમાં કોઈ ઈલાજ આવ્યો નથી.
પિઝા ખાવાથી સંધિવાનો દુ:ખાવો ઘટે છે
ઈટલીનાં વૈજ્ઞાનિકનું માનીએ તો અડધો પિઝા ખાવાથી સંધિવાનાં કારણે થતાં દુ:ખાવાને 80% સુધી ઘટાડી શકાય છે. એવું એટલા માટે કારણકે પિઝામાં નાખવામાં આવતી કેટલી સામગ્રીઓ સોજા ઘટાડવામાં ઉપયોગી હોય છે. પિઝામાં ઉપયોગમાં લેવાતી મોઝરેલા ચીઝ અને ઓલિવ ઓઈલ સૌથી વધુ લાભદાયી માનવામાં આવે છે.
365 લોકો પર થઈ રિસર્ચ
ન્યૂટ્રિએન્ટસમાં પબ્લિશ એક સ્ટડીમાં 18થી 65 વર્ષનાં 365 લોકોને શામેલ કરવામાં આવ્યાં હતાં કે જેમને સંધિવાની બીમારી હતી.જે લોકોએ દર અઠવાડિયે એકથી વધુ વખત અડધો પિઝા ખાધો તેમને સંધિવાનાં દુ:ખાવાથી રાહત મળી. ગંભીર સંધિવાવાળા લોકોએ સમાન માત્રામાં પિઝાનું સેવન કર્યું અને તેમના દુ:ખાવામાં પણ 80% જેટલો સુધારો આવ્યો.
