- રાષ્ટ્રપતિ પદ સંભાળવા તૈયાર છે કમલા હેરિસ
- જો બાઈડનની વધતી ઉંમરને ધ્યાનમાં લઈને પૂછાયો હતો સવાલ
- 77% અમેરિકન્સ નથી ઈચ્છતા કે બાઈડન ફરી રાષ્ટ્રપતિ બને
ઈન્ટરવ્યૂ દરમિયાન કમલા હેરિસે કહ્યું કે વાઈસ પ્રેસિડેંટની ભૂમિકામાં જ સમાવિષ્ટ છે કે જો પ્રસિડેંટ બાઈડન પોતાનો કાર્યકાળ પૂર્ણ કરવામાં અસમર્થ થાય તો તેમણે રાષ્ટ્રપતિ પદ સંભાળવા માટે તૈયાર રહેવું પડે છે. એટલે કે જો પ્રસિડેંટ જો બાઈડન કાર્યકાળ પૂરો ન કરી શકે તો કમલા હેરિસ પ્રેસિડેંટ તરીકેની જવાબદારી સંભાળવા માટે તૈયાર છે.
પદ સંભાળવા તૈયાર છે કમલા હેરિસ
વિદેશ પ્રવાસ દરમિયાન જ્યારે કમલા હેરિસને 80 વર્ષીય જો બાઈડનની ઉંમરની તરફ ધ્યાન દોરીને પત્રકારે પૂછ્યું કે શું જો જરૂરી હોય તો તમે વાઈસ પ્રેસિડેંટ તરીકે પ્રેસિડેંટની જવાબદારી સંભાળવા માટે તૈયાર છો? ત્યારે કમલા હેરિસે કહ્યું કે જ્યારે-જ્યારે જરૂર પડે ત્યારે રાષ્ટ્રપતિ પદ સંભાળવું એ એમની નોકરીનો જ એક મહત્વપૂર્ણ ભાગ છે.
ઉંમર જ એક સમસ્યા
અમેરિકામાં રાષ્ટ્રપતિ ચૂંટણીમાં હવે થોડા મહિનાઓ જ બચ્યાં છે. વર્ષ 2024માં અમેરિકી રાષ્ટ્રપતિ ચૂંટણી થશે. હાલનાં રાષ્ટ્રપતિ જો બાઈડન ફરી પોતાની દાવેદારીની વાત કરી રહ્યાં છે પરંતુ તેમની વધી રહેલી ઉંમર એક સમસ્યા છે. 80 વર્ષીય બાઈડનની ઉંમરને લીધે અમેરિકી લોકો સિવાય તેમની પાર્ટી ડેમોક્રેટ્સ પણ નથી ઈચ્છતા કે બાઈડન ફરી રાષ્ટ્રપતિ બને.
77% અમેરિકીઓ નથી ઈચ્છતા કે બાઈડન ફરી પ્રેસિડેંટ બને
સર્વેક્ષણથી જાણવા મળ્યું કે 77% અમેરિકીઓ અને 69 % ડેમોક્રેટ માને છે કે રાષ્ટ્રપતિ બાઈડન પોતાના દ્વિતીય કાર્યકાળ માટે વૃદ્ધ છે. પરંતુ ઉપરાષ્ટ્રપતિ કમલા હેરિસે કહ્યું કે સૌથી પહેલા તો હું કહેવા ઈચ્છુ છું કે પહેલાનાં રાષ્ટ્રપતિઓએ જે આશા કરી હતી, સપનાઓ જોયા હતાં અને વાયદાઓ કર્યાં હતાં . પરંતુ વાયદાઓ પૂરા ન કરી શક્યાં. આપણાં રાષ્ટ્રપતિ બાઈડને એ વસ્તુઓને પૂરું કરી બતાવ્યું છે.
