- મોટા ભાગના લોકો પીડાઈ રહ્યાં છે ડાયાબિટીસની બિમારીથી
- દર્દીની કિડની, આંખ અને મગજ પર ખરાબ અસર
- તમારી લાઈફસ્ટાઈલ બદલો અને કેટલીક ખાસ ટીપ્સને ફોલો કરો
અત્યારની ખરાબ લાઈફસ્ટાઈલ અને ખાવા-પીવાની ખોટી આદતોના કારણે આજે દરેક ઘરમાં તમને ડાયાબિટીસના દર્દીઓ જોવા મળશે. અત્યારે મોટા ભાગના લોકો ડાયાબિટીસની બિમારીથી પીડાઈ રહ્યાં છે. આ ડાયાબિટીસના કારણે શરીરના અન્ય અંગો પ્રભાવિત થાય છે. જો ડાયાબિટીસને કંટ્રોલ કરવામાં ન આવે તો તે ગંભીર રૂપ પણ લઈ શકે છે. ડાયાબિટીસના દર્દીની કિડની, આંખ અને મગજ પર ખરાબ અસર કરી શકે છે. જેથી જરૂરી એ છે કે તમે તમારી લાઈફસ્ટાઈલ બદલો અને કેટલીક ખાસ ટીપ્સને ફોલો કરો.
.jpg)
વજનને કંટ્રોલમાં રાખો
ડાયાબિટીસને કંટ્રોલમાં રાખવી હોય તો સૌથી પહેલા તમારા વજનને કાબુમાં રાખવું ખુબ જરૂરી બને છે. મોટાપો એ ડાયાબિટીસનું સૌથી મોટુ કારણ છે.. જે લોકો ઓવરવેટ છે તેમને ડાયાબિટીસનો ખતરો સૌથી વધારે હોય છે. જેથી વજન કંટ્રોલમાં રાખો.
વાંચવા જેવું: ફેફસાંમાંથી કફને કાઢીને બહાર ફેંકી દેશે આ 8 નુસખા: શિયાળામાં શરદી થાય તો ખાસ કામમાં આવશે
ડાયટમાં કરો બદલાવ
ડાયટ દ્વારા તમે ડાયાબિટીસને કંટ્રોલમાં રાખી શકો છે. જરૂરી એ છે કે તમે તમારા ડાયેટમાં ફાઈબરને ભરપૂર માત્રામાં સામેલ કરો. જમવામાં તમારે વધુમાં વધુ ફળો અને શાકભાજીનો ઉપયોગ કરવો જોઈએ.. તમે ઘઉંના બદલે મલ્ટીગ્રેન લોટ વાપરી શકો છો.
સ્ટ્રેસ ઓછો લેવો
ચિંતાએ ઘણી બિમારીઓનું સૌથી મોટુ કારણ હોય છે. ટેન્શન અને સ્ટ્રેસ હોય તો શરીરમાં બ્લડ શુગર લેવલ ખુબ જ વધી જાય છે. જો જીવનમાં સતત ચિંતા રહેતી હોય તો કોર્ટિસોલ હાર્મોન વધવા લાગે છે.. જેના કારણે તમે ઓવરવેટનો શિકાર બનો છો અને ધીમે ધીમે ડાયાબિટીસ વધવા લાગે છે.
દરરોજ એક્સરસાઈઝ કરો
જે લોકો દરરોજ વ્યાયામ કરે છે અથવા તો કોઈ શારીરિક પ્રવૃત્તિ કરે છે તો તેનું સુગર કંટ્રોલમાં રહે છે.. કસરત કરવાથી હર્દયનો ફાયદો થાય છે.. જેથી દરેક વ્યક્તિએ દરરોજ 45 મિનિટ ચાલવું અથવા કસરત કરવી જોઈએ.
નિયમિત રીતે તપાસ કરાવતા રહો
શુગરને કંટ્રોલ કરવાની એક રીત એ છે કે તમે તમારા શુગર લેવલને સમયાંતરે તપાસ કરતા રહો.. જો શુગર લેવલ વધી જાય તો તમે તપાસ કરાવીને સરળતાથી કંટ્રોલમાં લાવી શકો છો..
