ધર્મ / ભૂલથી પણ આ દિવસે તુલસી પણ જળ અર્પણ ન કરતા, નહીં તો થઇ જશો કંગાળ! માતા લક્ષ્મી થશે નારાજ

• પૂજા પાઠ કરવાથી મનને શાંતિ મળે છે
• તુલસીની પૂજા કરવાથી માઁ લક્ષ્મીની કૃપા પ્રાપ્ત થાય છે
• આ દિવસે તુલસી પર જળ ના ચઢાવવું જોઈએ

હિંદુ ધર્મમાં દેવી દેવતાઓની પૂજાનું વિશેષ મહત્ત્વ છે. પૂજા પાઠ કરવાથી મનને શાંતિ મળે છે અને સાચા ભક્તિ ભાવથી પૂજા કરવાથી ભગવાનની વિશેષ કૃપા પ્રાપ્ત થાય છે. પુરાણોમાં ઝાડનું વિશેષ મહત્ત્વ છે. તુલસી અને શમી જેવા છોડની પૂજા કરવાથી માઁ લક્ષ્મીની કૃપા પ્રાપ્ત થાય છે. હિંદુ ધર્મમાં તુલસી પૂજાનું વિશેષ  મહત્ત્વ છે. લગભગ તમામ હિંદુઓના ઘરમાં તુલસીનો છોડ હોય છે. 

તુલસી પૂજા કરવાથી લક્ષ્મી માતા પ્રસન્ન થાય છે. માનવામાં આવે છે કે, નિયમિતરૂપે સવારે સૂર્યોદય સમયે જળ ચઢાવવાથી ભક્તોની તમામ ઈચ્છા પૂરી થાય છે. ભક્તો દરરોજ સવારે જળ ચઢાવીને વિધિવત રીતે તુલસી પૂજા કરે છે. શું તમને ખબર છે કે, સપ્તાહમાં એક દિવસ એવો હોય છે, જ્યારે તુલસીને જળ ના ચઢાવવું જોઈએ, નહીંતર ઘરમાં નકારાત્મક ઊર્જા આવે છે. તુલસી પર જળ ચઢાવવાના નિયમ વિશે અહીંયા જાણકારી આપવામાં આવી છે. 

રવિવારે તુલસીને જળ ના ચઢાવવું
હિંદુ ધર્મમાં તુલસીના છોડને શુભ માનવામાં આવે છે. દરરોજ તુલસી પૂજા કરવાથી ઘરમાં સુખ સમૃદ્ધિ આવે છે અને નાણાંકીય લાભ થાય છે. રવિવારના દિવસે તુલસી પર જળ ના ચઢાવવું જોઈએ. પૌરાણિક માન્યતા અનુસાર તુલસી માતા, ભગવાન વિષ્ણુ માટે નિર્જળા વ્રત રાખે છે. આ દિવસે જળ ચઢાવવાથી તેમનું વ્રત ખંડિત થઈ શકે છે. આ કારણોસર રવિવારે તુલસી પર જળ ના ચઢાવવું જોઈએ. જો તમે પણ રવિવારે તુલસી પર જળ ચઢાવો તો, આ પ્રકારે બિલ્કુલ પણ ના કરશો, નહીંતર ઘરમાં નકારાત્મક ઊર્જા આવે છે અને ઘરમાં કંગાળી આવી શકે છે.