Janmashtami 2023 / શ્રીકૃષ્ણ જન્માષ્ટમી પર તમારી રાશિ અનુસાર આ વસ્તુઓનું કરો દાન, પૂરી થશે તમામ ઈચ્છાઓ

• 7 સપ્ટેમ્બરના રોજ કૃષ્ણ જન્માષ્ટમી ઊજવવામાં આવી રહી છે
• શ્રીકૃષ્ણના ઉપાસક ધામધૂમથી બાળગોપાલનો જન્મદિવસ ઊજવે છે
• કૃષ્ણ જન્માષ્ટમીના દિવસે રાશિ અનુસાર દાન કરવું

આ વર્ષે 7 સપ્ટેમ્બરના રોજ કૃષ્ણ જન્માષ્ટમી ઊજવવામાં આવી રહી છે. ધાર્મિક માન્યતા અનુસાર આ દિવસે ભગવાન શ્રીકૃષ્ણનો જન્મ રાત્રે 12 વાગ્યે રોહિણી નક્ષત્રમાં થયો હતો. ભગવાન શ્રીકૃષ્ણના ઉપાસક ધામધૂમથી બાળગોપાલનો જન્મદિવસ ઊજવે છે. આ શુભ અવસરે ભગવાન શ્રીકૃષ્ણની વિશેષ પૂજા અર્ચના કરવામાં આવે છે. ધાર્મિક માન્યતા અનુસાર શ્રીકૃષ્ણની પૂજા કરવાથી તમામ દુ:ખ દૂર થઈ જાય છે અને સાધકની તમામ મનોકામના પૂર્ણ થાય છે. જન્માષ્ટમીના દિવસે દાન કરવાનું વિશેષ મહત્ત્વ છે. જો તમે પણ બાંકે બિહારીના આશીર્વાદ મેળવવા માંગો છો, તો કૃષ્ણ જન્માષ્ટમીના દિવસે રાશિ અનુસાર દાન કરવું જોઈએ. 

રાશિ અનુસાર દાન કરો

• મેષ- આ રાશિના જાતકો કૃષ્ણ જન્માષ્ટમીના દિવસે ગોળ અને ઘઉંનું દાન કરવું, જેથી તમામ દુખ દૂર થશે. 
• વૃષભ- માખણ, સાકર અને ખાંડનું દાન કરવું, જેથી વૈવાહિક જીવન સુખમયી બનશે. 
• મિથુન- ભગવાન શ્રીકૃષ્ણની કૃપા મેળવવા માટે અન્નનું દાન કરો. 
• કર્ક- આ રાશિના જાતકોએ દૂધ, દહીં, ચોખા અને મિઠાઈનું દાન કરવું. આ પ્રકારે કરવાથી ઘરમાં સુખ અને સમૃદ્ધિ આવે છે. 
• સિંહ- આ રાશિના જાતકોએ આશીર્વાદ મેળવવા માટે જન્માષ્ટમીના દિવસે ગોળ, મધ અને મસૂરની દાળનું દાન કરવું. 
• કન્યા- આ રાશિના જાતકોએ કૃષ્ણ જન્મોત્સવના દિવસે ગાયમાતાની સેવા કરવી અને ગૌશાળામાં ચારા માટે ધનનું દાન કરવું. 
• તુલા- આ રાશિના જાતકોએ ભગવાન શ્રીકૃષ્ણને પ્રસન્ન કરવા માટે સફેદ અને વાદળી રંગના કપડાંનું દાન કરવું, જેથી બિઝનેસમાં ધારેલ સફળતા મળે છે. 
• વૃશ્વિક- આ રાશિના જાતકોએ લડ્ડૂ ગોપાલના જન્મદિવસે ઘઉં, ગોળ અને મધનું દાન કરવું. આ ઉપાય કરવાથી આર્થિક પરિસ્થિતિ મજબૂત બને છે. 
• ધન- આ રાશિના જાતકોએ ભગવાન શ્રીકૃષ્ણના જન્મદિવસે આર્થિક સ્થિતિ અનુસાર ગીતાનું દાન કરવું. 
• મકર- આ રાશિના જાતકોએ વાદળી રંગના કપડાંનું દાન કરવું. આ ઉપાય કરવાથી બગડેલા કામ પણ થવા લાગે છે. 
• કુંભ- આ રાશિના જાતકોએ જન્માષ્ટમીના દિવસે ધનનું દાન કરવું. આ ઉપાય કરવાથી ઘરમાં સુખ સમૃદ્ધિ જળવાઈ રહે છે. 
• મીન- આ રાશિના જાતકોએ કેળા, ચણાના લોટના લાડવા, સાકર, માખણનું દાન કરવું. આ પ્રકારે કરવાથી મનપસંદ પરિણામ પ્રાપ્ત થાય છે.