તમારા કામનું / આ લોકોએ ક્યારેય ન પીવી જોઈએ ગ્રીન ટી, વારંવાર લગાવવા પડશે હોસ્પિટલના ચક્કર

• ગ્રીન ટી પીવાથી થઈ શકે મોતિયાની સમસ્યા  
• ગર્ભાવસ્થા સમયે ગ્રીન ટી પીવાથી થઈ શકે નુકસાન 
• ગ્રીન ટીનાં સેવનથી વધી શકે એનીમિયાની સમસ્યા

ગ્રીન ટી પીવાથી થતાં 5 નુકશાન  

ગ્રીન ટી એન્ટીઓક્સિડેન્ટથી ભરપૂર હોય છે. તેની અંદર વિટામિન C, વિટામિન D અને કેલ્શિયમ જેવા પોષક તત્વો હોય છે. જે તમારા સ્વાસ્થ્ય માટે ફાયદાકારક સાબિત થઈ શકે છે. પરંતુ અમુક સ્થિતિની અંદર ગ્રીન ટીનું સેવન હાનિકારક હોય છે. ગ્રીન ટી સ્વાસ્થ્ય માટે જેટલી ગુણકારી છે એટલી જ અમુક લોકો માટે હાનિકારક પણ છે. જાણો ગ્રીન ટીથી થતાં નુકસાન વિશે. 

મોતિયાની સમસ્યા 

વધુ પ્રમાણમાં ગ્રીન ટીનું સેવન કરવાથી આંખોને નુકસાન થઈ શકે છે. વધુ પ્રમાણમાં ગ્રીન ટીનાં સેવનનાં કારણે આંખો પર તાણ આવે છે. જેના કારણે આંખોને નુકસાન થઈ શકે છે. તમને આંખોથી લગતી કોઈ સમસ્યા હોય તો તમારે ગ્રીન ટીનું સેવન ઓછું કરી દેવું જોઈએ. 

ગર્ભાવસ્થા 

ગર્ભાવસ્થા સમયે ગ્રીન ટીનાં સેવનથી સ્વાસ્થ્યને નુકસાન થઈ શકે છે. ગ્રીન ટીની અંદર કેટચિન નામનું સંયોજન હોય છે જેના કારણે ચિંતાનું સ્તર વધી જાય છે. આ સાથે અજાત બાળક માટે પણ નુકસાનકારક છે. એટલા માટે ગર્ભાવસ્થા સમયે નિયમિત માત્રામાં ગ્રીન ટીનું સેવન કરવું જોઈએ. 

એનીમિયાની સમસ્યા 

વધુ પડતું ગ્રીન ટીનું સેવન આયર્ન અવશોષણની ક્ષમતા પર અસર પાડે છે. એટલા માટે વધુ પ્રમાણમાં ગ્રીન ટીનું સેવન ન કરવું જોઈએ. તેના કારણે શરીરની અંદર લોહીની ઉણપ થઈ શકે છે. 

પાચન તંત્ર 

વધુ પડતી ગ્રીન ટીનાં સેવનનાં કારણે પાચન તંત્ર બગડી શકે છે. તેની અંદર હાજર ટેનિન નામનું તત્વ પેટની અંદર એસિડનું પ્રમાણ વધારી દે છે. જેના કારણે પેટ ફૂલવાની સમસ્યા થઈ શકે છે. આ સાથે ખાટા ઓડકાર અને પેટનાં દુ:ખાવાની સમસ્યા પણ થઈ શકે છે. 

હ્રદયનાં ધબકાર વધવાની સમસ્યા 

વધુ પ્રમાણમાં ગ્રીન ટીનાં સેવનનાં કારણે હ્રદયનાં ધબકારા વધી જાય છે. આ સાથે બેચેની અને અનિંદ્રાનું જોખમ પણ વધી જાય છે. એટલા માટે મર્યાદિત માત્રામાં જ ગ્રીન ટીનું સેવન કરવું જોઈએ.