તમારા કામનું / ગાડીમાં હેન્ડબ્રેકનો ઉપયોગ આ રીતે કરતા હોવ તો ચેતી જજો! કારમાં આવી શકે છે મોટો ખર્ચો

• ગાડીમાં હેન્ડબ્રેક ખૂબ જ જરૂરી 
• હેન્ડબ્રેક સાથે જોડાયેલા નિયમો જાણીલો 
• નહીં તો ફસાઈ શકો છો મોટી મુશ્કેલીમાં

તમારી ગાડી વર્ષો વર્ષ ચાલે તેના માટે તેની કેર કરવું ખૂબ જ જરૂરી છે. કાર ચલાવતી વખતે જ નહીં ઉભી રહેલી ગાડીમાં પણ તમારે ઘણી વસ્તુઓનું ધ્યાન રાખવું પડે છે. આપણી ગાડીમાં ઘણા એવા ફિચર્સ હોય છે જે ઈમરજન્સીમાં ઉપયોગ કરવામાં આવે છે.

એવું જ એક ફિચર આપણી ગાડીની હેન્ડબ્રેક છે. તેના દ્વારા તમે પોતાની ગાડીને આગળ અથવા પાછળ જવાથી રોકી શકો છો. સાથે જ ઈમરજન્સીમાં કાર રોકવા માટે તેનો ઉપયોગ કરી શકો છો. જોકે જો તમને હેન્ડબ્રેકથી જોડાયેલા નિયમો વિશે જાણકારી નથી તો તમને નુકસાન થઈ શકે છે. 

જાણ લો હેન્ડબ્રેકના આ નિયમો 
ઘણી વખત લોકો તેમની કારને લાંબા સમય સુધી પાર્ક કરીને મુકી રાખે છે. આવી સ્થિતિમાં હેન્ડબ્રેક લગાવવી જરૂરી છે. પરંતુ અમે તમને જણાવી દઈએ કે આવું કરવું તમારી કાર માટે ખૂબ જ નુકસાનકારક સાબિત થઈ શકે છે. તમારી કારની હેન્ડબ્રેક સંપૂર્ણપણે ખરાબ થઈ શકે છે. 

હકીકતે હેન્ડબ્રેકને લાંબા સમય સુધી લગાવવાથી બ્રેક પેડ ડિસ્ક અથવા ડ્રમ પર પણ ચોંટી શકે છે. જો તમે લાંબા સમય પછી તમારી કારનો ઉપયોગ કરો છો તો તે તૂટી શકે છે. તેથી જો તમે તમારી કારને લાંબા સમય સુધી પાર્ક કરી રહ્યાં હોવ તો હેન્ડબ્રેક ન લગાવો. અથવા તમે દર 2 અઠવાડિયામાં 1 વખત કાર ચલાવી અને ફરી તેમાં હેન્ડબ્રેક લગાવી દો. 

કઈ રીતે કામ કરે છે પાર્કિંગ બ્રેક? 
પાર્કિંગ બ્રેક ઓવરઓલ બ્રેકિંગ સિસ્ટમનો એક ભાગ છે. આ પાછળની બ્રેક સાથે જોડાયેલ છે અને જ્યારે તેને લગાવવામાં આવે છે, ત્યારે તે  પ્રાઈમરી બ્રેક કરતાં સહેજ ઓછું દબાણ કરે છે. તે એક પ્રકારની સેકન્ડરી બ્રેકિંગ સિસ્ટમ છે, જેનો હેતુ પ્રાઈમરી બ્રેકિંગ સિસ્ટમ નિષ્ફળ જાય ત્યારે વાહનને રોકવાનો છે. પરંતુ તેનો ઉપયોગ મુખ્યત્વે વાહન પાર્ક કરવા માટે થાય છે. ખાસ કરીને જ્યારે વાહન ઢાળ પર પાર્ક કરવામાં આવે છે.