એક્શન / કડવા પાટીદારની બે સંસ્થાઓ વચ્ચે કયા મુદ્દે થયો વિવાદ? બાબુ જમનાદાસ પટેલે કહ્યું- હું કરાવીશ સમાધાન

• પાટીદાર સમાજની 2 સંસ્થામાં વિવાદ ચાલતો હોવાની ચર્ચા
• બંને સંસ્થા વચ્ચે બેઠક થઈ હોવાનો દાવો
• ટૂંક સમયમાં બંને સંસ્થાઓનું સમાધાન થશે:બાબુ જમનાદાસ પટેલ

કડવા પાટીદાર સમાજની 2 સંસ્થાનો વિવાદ ચાલતો હોવાને લઈ વિગતો સામે આવી છે. અમદાવાદના વિશ્વ ઉમિયા ફાઉન્ડેશનમાં સમાજ અગ્રણીઓની બેઠક મળી હોવાનો દાવો થઈ રહ્યો છે. જે બેઠક ઊંઝા ઉમિયાધામ સંસ્થાના હોદ્દેદારો સાથે થઈ હોવાની વિગતો મળી છે.

બાબુ જમનાદાસ પટેલનું નિવેદન
ઊંઝા ઉમિયાધામ સંસ્થાનના હોદ્દેદારોને બેઠકમાં આમંત્રણ અપાયું હોવાનો દાવો કરાયો છે જે બેઠક મામલે ઊંઝા ઉમિયાધામ સંસ્થાના પ્રમુખ બાબુ જમનાદાસ પટેલનું નિવેદન સામે આવ્યું છે. તેમણે કહ્યું કે, બંને સંસ્થા વચ્ચે કોઈ પ્રકારની બેઠક થઈ નથી તેમજ વિશ્વ ઉમિયા ફાઉન્ડેશનની બેઠકમાં અમને આમંત્રણ મળ્યું ન હતું. અત્રે તમને જણાવીએ કે, બંને સંસ્થા વચ્ચે સમાધાન થવા અંગે બાબુ જમનાદાસ પટેલે શુભ સંકેત આપ્યા છે

'હું સમાધાન માટેની પહેલ કરીશ'
બાબુ જમનાદાસ પટેલે જણાવ્યું હતું કે, ટૂંક સમયમાં બંને સંસ્થાઓનું સમાધાન થશે તેમજ બંને સંસ્થાઓનું સમાધાન થાય તેવી મારી પણ ઈચ્છા છે. તેમણે વધુમાં કહ્યું કે, હું સમાધાન માટેની પહેલ કરીશ. અત્રે ઉલ્લેખનીય છે કે, બંને સંસ્થા વચ્ચે બેઠક થઈ હોવાનો દાવો કરાયો હતો. બંને સંસ્થાની બેઠક મળી હોવાના દાવાને લઈ ઊંઝા ઉમિયા માતાજી સંસ્થાને પ્રેસનોટ જાહેર કરી અને પ્રેસનોટમાં વિશ્વ ઉમિયા ફાઉન્ડેશને બેઠકને લઈ ખુલાસો કર્યો છે.

પ્રેસનોટ જાહેર કરી ખુલાસો કર્યો
જે પ્રેસનોટમાં ખુલાસો કરતા જણાવ્યું છે કે, બંને સંસ્થા વચ્ચે આવી કોઈ બેઠક થઈ નથી તેમજ બેઠકમાં કોઈ હોદ્દેદારો કે ટ્રસ્ટીઓ ઉપસ્થિતિ નહતા. ઊંઝાના કેટલાક કારોબારી સભાસદો વિશ્વ ઉમિયા ફાઉન્ડેશનનો પ્રોજેક્ટ જોવા ગયા હતા અને અમુક સભાસદોએ વ્યક્તિગત મુલાકાત લીધી હતી તેમજ વ્યક્તિગત મુલાકાતને સંસ્થા સાથે જોડી શકાય નહીં