- ડાયાબિટીસના દર્દીઓને ખાંડનું સેવન કરવાની મનાઈ છે
- ડાયાબિટીસનાં દર્દીઓએ ખાંડની જગ્યાએ મધનું સેવન કરવું જોઈએ
- મધ એન્ટીઓક્સિડેન્ટથી ભરપૂર હોય છે
ડાયાબિટીસમાં તમારે તમારા આહાર પર ખાસ ધ્યાન આપવાનું હોય છે. ડાયાબિટીસના દર્દીઓએ એવી કોઈ પણ વસ્તુનું સેવન ન કરવું જોઈએ, જે તેમનું બ્લડ સુગર વધારે છે. કેટલાક લોકો માને છે કે ડાયાબિટીસથી પીડિત દર્દીઓ થોડી પણ મીઠી વસ્તુ ખાઈ શકતા નથી. પરંતુ આ સાચું નથી. મીઠાઈઓ અને અન્ય ખાદ્ય ખોરાક દર્દીને શુગરનાં સ્તર અનુસાર સૂચવવામાં આવે છે. ડાયાબિટીસના દર્દીઓને ખાંડનું સેવન કરવાની મનાઈ છે. આવી સ્થિતિમાં તે મધનો ઉપયોગ કરી શકે છે. જો કે તેને ખાતા પહેલા એક વખત સ્વાસ્થ્ય નિષ્ણાંતની સલાહ જરૂર લેવી જોઈએ. જાણો કે ડાયાબિટીસના દર્દીઓએ મધ કેવી રીતે ખાવું જોઈએ.
વાંચવા જેવું: ડાયાબિટીઝના દર્દીઓ માટે ખાસ! બ્લડ શુગર કંટ્રોલમાં રાખવું હોય તો સૂતાં પહેલા જરૂર કરો આ કામ
મધ ફાયદાકારક છે
સ્વાસ્થ્ય નિષ્ણાતોના મતે કુદરતી સ્વીટનર મધ સ્વાસ્થ્ય માટે ખાંડ કરતાં વધુ ફાયદાકારક માનવામાં આવે છે. તે સફેદ ખાંડ કરતાં વધુ સુપાચ્ય છે. મધમાં એન્ઝાઇમ હોય છે. જેના કારણે શરીર મધને સરળતાથી તોડી નાખે છે. આ જ કારણ છે કે ડાયાબિટીસના દર્દીઓ મીઠાશ તરીકે થોડું મધ લઈ શકે છે.
આ બાબતો ધ્યાનમાં રાખો
સ્વાસ્થ્ય નિષ્ણાંત કહે છે કે જ્યારે તમે મધ ખરીદવા જાવ ત્યારે એ વાતનું ધ્યાન રાખો કે મધમાં ખાંડની ચાસણી મિક્સ ન કરેલી હોય. બજારમાં ઉપલબ્ધ મધમાં ભેળસેળ હોઈ શકે છે. ડાયાબિટીસના દર્દીઓએ એક ચમચીથી વધુ મધ ન ખાવું જોઈએ. મધમાં સફેદ ખાંડ કરતાં ઓછું ગ્લાયકેમિક છે. મધ એન્ટીઓક્સિડેન્ટથી ભરપૂર હોય છે. તેથી તે ડાયાબિટીસનાં દર્દીઓ માટે મદદરૂપ થઈ શકે છે.
ડોક્ટરની સલાહ લો
મધ ખાતા પહેલા, તમારે તમારા ડોક્ટર પાસેથી જાણવું જોઈએ કે તમારે કેટલી માત્રામાં મધનું સેવન કરવું જોઈએ. બધા દર્દીઓનું શુગર લેવલ સરખું ન પણ હોય. તેથી, તમારા માટે કેટલું મધ હાનિકારક નથી, ફક્ત ડોક્ટર જ તમને વધુ સારી રીતે કહેશે.
