વાસ્તવિકતા / લો બોલો! ગુજરાતના આ ગામમાં દુકાનમાં ચાલે છે પ્રાથમિક શાળા, શું આવી રીતે ભણશે ગુજરાત ?

• ધોરાજીમાં દુકાન જ બાળકોની શાળા
• 147 વિદ્યાર્થીઓ ભણે છે દુકાનમાં
• 50 વર્ષથી છે આજ સ્થિતિ

 શાળાએ વિદ્યાર્થીનું બીજુ ઘર કહેવાય. આ વાતમાં કોઇ નવાઇ નથી પરંતુ શાળા હોવી તો જોઇએને. રાજ્યમાં સારા શિક્ષણની વાતો વચ્ચે વરવી વાસ્તવિકતા સામે આવી છે. ધોરાજીમાં બાળકોને શાળા નહી પરંતુ દુકાનોમાં બેસાડીને અભ્યાસ કરાવામાં આવે છે. આટલી નાની દુકાનમાં ધોરણ-1થી 8ના પ્રાથમિક વર્ગ  ચાલે છે. ત્યારે દુકાનોમાં સ્કૂલ ચાલતા વિદ્યાર્થીઓને મુશ્કેલી તો ચોક્કસ પડે. પરંતુ વિદ્યાર્થીઓ કરે શું. શિક્ષકો અડધુ શટર પાડીને વિદ્યાર્થીઓને ભણાવે છે.આ દુકાનમાં ધોરણ 1થી8ના 147 બાળકો અભ્યાસ કરે છે. 

 

50 વર્ષથી આજ સ્થિતિ

એક તરફ રાજ્યમાં કોઇ પણ બાળક શિક્ષણથી વંચિત રહી ન જાય તે માટે પ્રયાસ કરવામાં આવે છે પરંતુ શાળા તો હોવી જોઇએ ને ? ધોરાજીમાં ભણતા ધોરણ 1થી8ના વિદ્યાર્થીઓ માટે શાળા આ દુકાન જ છે. છેલ્લા 50 વર્ષથી ધોરાજીમાં કોઇ શાળા જ બનાવવામાં આવી નથી. વિદ્યાર્થીઓ મહામુસીબતે આ દુકાનમાં જ અભ્યાસ કરે છે.

 અધિકારીઓ સાંભળતા નથી

ધોરાજીની આ સ્થિતિને લઇને સ્કૂલના અધિકારીઓએ અનેક વખત સરકારને  રજૂઆત કરી છે. સાંસદ, ધારાસભ્ય, કલેક્ટર, શિક્ષણ વિભાગ તમામ જગ્યાએ રજૂઆત કરાઇ છે. પરંતુ આજ દિન સુધી ધોરાજીમાં પ્રાથમિક શાળા બની નથી.

સળગતા સવાલ

 શું આવી રીતે ભણશે ગુજરાત?
 શું સારા શિક્ષણની વાતો જ કરાય છે?
 શિક્ષણ મંત્રીને આ દ્રશ્યો દેખાય છે ખરા?
 ધારાસભ્ય અને સાંસદોને રજૂઆત છતાં કેમ કોઇ કામગીરી ન થઈ?
 પ્રાથમિક સ્કૂલનો અભ્યાસ બિલ્ડિંગમાં ક્યારે શરૂ થશે?
 અનેક રજૂઆત છતાં કેમ કોઇ કામગીરી નહીં?
 ધોરાજીમાં 50 વર્ષથી આજ સ્થિતિ કેમ ?