IPL 2024 માં ચેન્નાઈ સુપર કિંગ્સે શાનદાર શરૂઆત કરી છે, તેણે પહેલા RCB ને હરાવ્યું અને પછી ગુજરાત ટાઇટન્સને હરાવ્યું… . બંને મેચમાં ચેન્નાઈના બેટ્સમેનોની તાકાત જોવા મળી હતી. ટોપ ઓર્ડરથી લઈને મિડલ ઓર્ડર સુધી બધાએ જબરજસ્ત પરફોર્મ કર્યુ . પરંતુ તેમ છતાં ચેન્નાઈના ચાહકો નિરાશ થયા છે. કારણ કે તેનો ફેવરિટ એમએસ ધોની બંને મેચમાં બેટિંગ કરવા આવ્યો નથી. .જો કે ચેન્નાઈ સુપર કિંગ્સના બેટિંગ કોચ માઈકલ હસીએ આનું કારણ ઈમ્પેક્ટ પ્લેયર રૂલ ગણાવ્યું છે.
ઈમ્પેક્ટ પ્લેયર નિયમને કારણે ધોનીની બેટિંગ મુશ્કેલ બની!
ચેન્નાઈ સુપર કિંગ્સના બેટિંગ કોચ માઈકલ હસ્સીએ કહ્યું કે ઈમ્પેક્ટ પ્લેયર રૂલને કારણે બેટિંગ ઓર્ડર લંબાઇ ગયો છે. . આ સિઝનમાં ધોનીનો બેટિંગ ડાઉન 8 કરવામાં આવ્યો છે. મેચ બાદ પ્રેસ સાથે વાત કરતા હસીએ કહ્યું, મુખ્ય કોચ સ્ટીફન ફ્લેમિંગની સૂચના છે કે મુકાબલાને આગળ વધારતા રહો.. ઈમ્પેક્ટ પ્લેયર નિયમને કારણે ધોની બેટિંગ ક્રમ લંબાયો છે જેમાં ધોની આઠમા નંબરે છે. જે અદ્ભુત છે. હસીએ કહ્યું કે ધોની પણ સારી બેટિંગ કરી રહ્યો છે. નેટ્સમાં તેના શોટ્સ જોવા લાયક છે.
હસીએ કહ્યું કે ધોની નંબર 8 પર હોવાને કારણે તેના ટોપ ઓર્ડરના બેટ્સમેન તોફાની બેટિંગ કરી શકે છે. ટીમે નક્કી કર્યું છે કે જો ટોપ ઓર્ડર ઝડપી રમતી વખતે વહેલો આઉટ થઈ જાય તો પણ તેની ટીકા કરવામાં આવશે નહીં. કારણ કે આ ટીમની રણનીતિ છે.
સમીર રિઝવી ધોનીની ઉપર આવ્યો
તમને જણાવી દઈએ કે ચેન્નાઈ સુપર કિંગ્સે ગુજરાત ટાઇટન્સ સામે 6 વિકેટ ગુમાવી હતી પરંતુ તેમ છતાં ધોની ક્રિઝ પર ઉતર્યો ન હતો. CSK મેનેજમેન્ટે સમીર રિઝવીને બેટિંગ માટે મોકલ્યો, જેણે આવતાની સાથે જ 2 સિક્સ ફટકારી. આ પછી જાડેજા આવ્યો અને ધોની બેન્ચ પર બેઠો રહ્યો. જોકે, એવી અપેક્ષા રાખવામાં આવે છે કે આગામી મેચોમાં ધોની તેની બેટિંગ કુશળતા બતાવશે. ચાહકો ફક્ત આ જોવા માંગે છે.
