- દિલ્હી હાઈકોર્ટનો કપલના કિસ્સામાં ચુકાદો
- સેક્સનો ઈન્કાર ક્રૂરતા છે
- પણ છૂટાછેડા માટે 'અસાધારણ હાડમારી'નથી
દિલ્હી હાઈકોર્ટે એક કપલના કિસ્સામાં ચુકાદો જાહેર કર્યો છે. હાઈકોર્ટે કહ્યું કે વૈવાહિક સંબંધનો ઇનકાર એ છૂટાછેડા માટેનું એક કારણ છે અને ક્રૂરતા સમાન છે, પરંતુ ફરજિયાત એક વર્ષના કુલિંગ-ઓફ સમયગાળા પહેલાં લગ્ન સમાપ્ત કરવા તે "અપવાદરૂપ મુશ્કેલી" હોઈ શકે નહીં.
કપલે લગ્નના એક વર્ષ પહેલા કરી હતી છૂટાછેડાની અરજી
મૂળ ઉત્તરાખંડના એક કપલે તેમના લગ્નના એક વર્ષ પહેલા છૂટાછેડાની અરજી કરી હતી. લગ્નજીવનમાં સારુ ચાલતું ન હોવાથી તેમણે છૂટા પડવા માટે ફેમિલી કોર્ટમાં અરજી કરી હતી પરંતુ તેમના લગ્નને થયે નિર્ધારીત 1 વર્ષનો સમયગાળો પૂરો ન થયો હોવાથી તેમની અરજી ફગાવાઈ હતી, ટ્રાયલ કોર્ટના આ ચુકાદાની વિરૃદ્ધમાં કપલ હાઈકોર્ટ પહોંચ્યું હતું.દિલ્હી હાઇકોર્ટે સોમવારે ટ્રાયલ કોર્ટનો ચુકાદો ઉથલાવવાનો ઈન્કાર કર્યો હતો. ટ્રાયલ કોર્ટના આદેશને એક કપલને હાઈકોર્ટમાં પડકાર્યો હતો. તેમની અરજી પર સુનાવણી કરતા કોર્ટે આવો ચુકાદો આપ્યો હતો. કાર્યકારી ચીફ જસ્ટિસ વિપિન સાંઘી અને જસ્ટિસ જસમીત સિંહની ડિવિઝન બેન્ચે, જોકે, અલગ થવાના એક વર્ષની મુદત પૂરી થયા પછી પક્ષકારોને સ્વતંત્ર રીતે યોગ્ય કોર્ટમાં જવાની મંજૂરી આપી હતી.
ફેમિલી કોર્ટે કપલની છૂટાછેડાની અરજી ફગાવી હતી
ફેમિલી કોર્ટે દંપતીની છૂટાછેડાની અરજીને ફગાવી દીધી હતી કારણ કે તે એક વર્ષ પહેલા દાખલ કરવામાં આવી હતી. હિંદુ લગ્ન અધિનિયમની કલમ 14 હેઠળ છૂટાછેડા માટે અરજી કરતા પહેલા લગ્નની તારીખથી ફરજિયાત એક વર્ષનો રાહ જોવી પડતી હોય છે. જોકે કેટલાક અપવાદરુપ કિસ્સામાં એક વર્ષનો સમયગાળો માફ થતો હોય છે અને છૂટાછેડા મળી જતા હોય છે.
શું છે મામલો
ઉત્તરાખંડના રામ નગરમાં 4 એપ્રિલ, 2021ના રોજ હિંદુ રીતિ-રિવાજ મુજબ એક કપલે લગ્ન કર્યાં હતા. થોડા સમયમાં તેમની વચ્ચેના મતભેદો બહાર આવ્યાં હતા. આખરે 14 એપ્રિલ, 202ના રોજ અલગ રહેવા લાગ્યા હતા. 29 જુલાઈ, 2021 ના રોજ, મહિલાએ તેના લગ્નનું ઘર છોડી દીધું અને તેના માતાપિતાના ઘરે ગઈ. ફેમિલી કોર્ટે 16 ઓક્ટોબર, 2021ના રોજ તેમની પરસ્પર છૂટાછેડાની અરજી ફગાવી દીધી હતી, જેના પગલે દંપતીએ દિલ્હી હાઈકોર્ટનો સંપર્ક કર્યો હતો.
