હોસ્પિટલમાં દર્દીનો ઘસારો / અમદાવાદીઓ સાવધાન.! આ રોગાચાળાએ શહેરને લીધું ભરડામાં, એકાએક આવ્યા લાગ્યા કેસ

• અમદાવાદમાં પાણીજન્ય રોગચાળાએ લીધો ભરડો
• ડેન્ગ્યુના 174, મેલેરિયાના 81 કેસ સામે આવ્યા 
• શહેરમાં ચિકનગુનિયાના 9, કોલેરાના 6 કેસ નોંધાયા

દર વર્ષે ચોમાસાની સીઝન દરમિયાન પાણીજન્ય અને મચ્છરજન્ય રોગચાળો માથું ઉચકતો હોય છે. ત્યારે હાલ અમદાવાદ સહિત ગુજરાતના મોટા શહેરોમાં રોગચાળાએ બરોબરનો ભરડો લીધો છે. જેને લઈને ઘરે ઘરે માંદગીના ખાટલા હોય તેવી સ્થિતિનું નિર્માણ થયું છે. ભારે વરસાદ બાદ ભરાયેલા પાણીને લઈને મચ્છરનો ઉપદ્રવ વધતાં મચ્છરજન્ય રોગચાળો વધ્યો છે. બીજી બાજુ ચોમાસાની ઋતુને લઇને પાણીજન્ય રોગચાળાએ પણ હાલ અમદાવાદમાં કાળો કહેર વર્તાવ્યો છે. અમદાવાદમાં ડેન્ગ્યુના 174, મેલેરિયાના 81 કેસ સામે આવ્યા છે 

 ટાઇફોઇડના 415 કેસ, કમળાના 166 કેસ નોંધાયા
અમદાવાદના આરોગ્ય અધિકારી ડૉ. ભાવિન સોલંકીના જણાવ્યા અનુસાર અમદાવાદમાં હાલ મચ્છરજન્ય, પાણીજન્ય રોગચાળાએ ભરડો લીધો છે. જેના પરિણામે ડેન્ગ્યુના 174, મેલેરિયાના 81 કેસ સામે આવ્યા છે. બીજી બાજુ શહેરમાં ચિકનગુનિયાના 9, કોલેરાના 6 કેસ નોંધાયા છે. તો ટાઇફોઇડના 415 કેસ, કમળાના 166 કેસ પણ સામે આવ્યા છે. ઝાડાઉલ્ટીનાં 1139 કેસ નોંધાયા છે.

બાંધકામ સાઇટ, શાળા, હોસ્પિટલોમાં ચેકિંગ કરી દંડ વસુલાયો

કેસ વધતા આરોગ્ય તંત્ર પણ સફાળું જાગ્યું છે અને AMC દ્વારા મચ્છરોની બ્રિડિંગ સાઇટને લઇને ચેકિંગ હાથ ધરાયુ હતું.બાંધકામ સાઇટ, શાળા, હોસ્પિટલો સહિતના સ્થળોએ ચેકિંગ હાથ ધરવામાં આવ્યું હતું. જેમાં દંડ વસુલાયો હતો. તંત્રના ચેકીંગમાં ઝપટે ચડેલા બેરદરકાર જવાબદારો સામે લાલ આંખ કરી 75 લાખનો દંડ વસુલાવામા આવ્યો છે.