કૉલ્ડવેવ / દિલ્હીમાં ઠંડીનો પારો 1.5 ડિગ્રી સેલ્સિયસ સુધી ગગડ્યો, IMDએ જાહેર કર્યું ઓરેન્જ ઍલર્ટ, 34થી વધુ ફ્લાઇટ્સ રદ

• દેશની રાજધાની દિલ્હીમાં આજે કડકડતી ઠંડી
• ઠંડીનો પારો 1.5 ડિગ્રી સેલ્સિયસ સુધી ગગડ્યો
• ઘણા વિસ્તારોમાં વિઝિબિલિટી 50 થી 200 મીટર

દેશની રાજધાની દિલ્હીમાં આજે કડકડતી ઠંડી પડી રહી છે. ગઈકાલે રાત્રે અહીંનું લઘુત્તમ તાપમાન 1.5 ડિગ્રી સેલ્સિયસ નોંધાયું હતું, જેના કારણે હવામાન વિભાગ (IMD) એ ગાઢ ધુમ્મસનું ઓરેન્જ એલર્ટ જાહેર કર્યું છે. IMDના નવા નોટિફિકેશન મુજબ, દિલ્હીના ઘણા વિસ્તારોમાં વિઝિબિલિટી 50 થી 200 મીટર સુધીની હોઈ શકે છે, જેના કારણે લોકોને ઘણી મુશ્કેલીનો સામનો કરવો પડી શકે છે. 

34 થી વધુ ફ્લાઈટ્સ વિલંબિત
દિલ્હી એરપોર્ટથી લગભગ 34 ડોમેસ્ટિક ડિપાર્ચર ફ્લાઈટ્સ ખરાબ હવામાન અને અન્ય સંબંધિત સમસ્યાઓના કારણે વિલંબિત થઈ છે. જ્યારે વિવિધ સ્થળોએથી આવતી 12થી વધુ ફ્લાઈટ્સ એરપોર્ટ પર મોડી પડી રહી છે. ગાઢ ધુમ્મસ માટે ઓરેન્જ એલર્ટ પણ છે. તે જ સમયે, ભારતીય રેલ્વેએ પણ ગાઢ ધુમ્મસ અને ઠંડીને કારણે આજે 320 ટ્રેનો રદ કરી છે. તેમાંથી 280 ટ્રેનોને સંપૂર્ણ અને 40 ટ્રેન આંશિક રીતે રદ કરવામાં આવી છે. રેલ્વેએ માહિતી આપી છે કે 22 ટ્રેનોના રૂટ બદલવામાં આવ્યા છે, જ્યારે 31 ટ્રેનોના સમયપત્રકમાં ફેરફાર કરવામાં આવ્યો છે. આમાં મોટાભાગની ટ્રેનો ઉત્તર પ્રદેશ, બિહાર, નવી દિલ્હી જતી ટ્રેનો છે.

Cold wave and foggy conditions continue to prevail in Delhi; visuals from RK Puram

Delhi Ridge recorded a minimum temperature of 1.5 degrees Celsius today pic.twitter.com/i2dptiGrwf

— ANI (@ANI) January 7, 2023

10 જાન્યુઆરી સુધી રાહતની શક્યતા
દિલ્હી NCRમાં વેસ્ટર્ન ડિસ્ટર્બન્સની અસરને કારણે આવતીકાલથી રાત્રિના સમયે ઠંડી અને કોલ્ડ વેવની અસર ઓછી રહેશે. જેના કારણે આગામી 5 દિવસમાં લઘુત્તમ તાપમાન 2 ડિગ્રીથી વધીને 4 ડિગ્રી થશે. જો કે ડુંગરાળ વિસ્તારોમાં પણ વરસાદની શક્યતા વ્યક્ત કરવામાં આવી રહી છે. આગામી 4 થી 5 દિવસ સુધી ધુમ્મસ (FOG)ની અસર ખાસ કરીને સવારે અને રાત્રે જોવા મળશે.