BIG BREAKING / રાહુલ ગાંધીના ઘરે પહોંચી દિલ્હી પોલીસ: શ્રીનગરમાં આપેલ આ નિવેદન મામલે કાર્યવાહી

• કોંગ્રેસ નેતા રાહુલ ગાંધીને લઈ એક મોટા સમાચાર
• દિલ્હી પોલીસની ટીમ કોંગ્રેસ સાંસદ રાહુલ ગાંધીના ઘરે પહોંચી
• દિલ્હી પોલીસના સ્પેશિયલ સીપી સાગર પ્રીત હુડ્ડા તેમના ઘરે પહોંચ્યા

કોંગ્રેસ નેતા રાહુલ ગાંધીને લઈ એક મોટા સમાચાર સામે આવી રહ્યા છે. વાત જાણે એમ છે કે, દિલ્હી પોલીસની ટીમ કોંગ્રેસ સાંસદ રાહુલ ગાંધીના ઘરે પહોંચી છે. અહેવાલ છે કે, નોટિસના સંબંધમાં દિલ્હી પોલીસના સ્પેશિયલ સીપી સાગર પ્રીત હુડ્ડા તેમના ઘરે પહોંચ્યા છે.

ભારત જોડો યાત્રા દરમિયાન રાહુલે આપેલા નિવેદનને લઈને દિલ્હી પોલીસે અગાઉ રાહુલને નોટિસ મોકલી હતી. તેમને પોલીસ દ્વારા 'જાતીય સતામણી' પીડિતો વિશે માહિતી માંગવા માટે આપવામાં આવી હતી.

#WATCH | We've come here to talk to him. Rahul Gandhi gave a statement in Srinagar on Jan 30 that during Yatra he met several women & they told him that they had been raped...We're trying to get details from him so that justice can be given to victims: Special CP (L&O) SP Hooda pic.twitter.com/XDHru2VUMJ

— ANI (@ANI) March 19, 2023

જાણો શું છે સમગ્ર મામલો ? 
શ્રીનગરમાં રાહુલ ગાંધીએ ભારત જોડો યાત્રાના છેલ્લા દિવસે નિવેદન આપ્યું હતું કે, આજે પણ મહિલાઓનું યૌન શોષણ થઈ રહ્યું છે. જેને લઈ દિલ્હી પોલીસે 16 માર્ચે રાહુલ ગાંધીને નોટિસ મોકલીને પૂછ્યું હતું કે, આ વાત કઈ મહિલાઓ માટે છે. રાહુલ ગાંધીએ તેની વિગતો દિલ્હી પોલીસને આપવી જોઈએ. દિલ્હી પોલીસના સૂત્રોના જણાવ્યા અનુસાર કોંગ્રેસના નેતાએ હજુ સુધી દિલ્હી પોલીસને જવાબ આપ્યો નથી.