- દિલ્હી મેટ્રોનો વિડીયો સોશિયલ મીડિયા પર વાયરલ
- એક કપલ બે મહિલાઓ સાથે રકઝક કરી રહ્યું છે
- ‘તમને બોલવાનો કોઈ હક નથી, તમારા કામથી મતલબ રાખો.’
દિલ્હી મેટ્રોનો એક વિડીયો સોશિયલ મીડિયા પર વાયરલ થઈ રહ્યો છે. જેમાં એક કપલ બે મહિલાઓ સાથે રકઝક કરતું જોવા મળી રહ્યું છે. મેટ્રોમાં આંટીને કપલનો ઊભો રહેવાનો અંદાજ પસંદ આવ્યો નહોતો, તેથી તેમણે આ કપલને ટોકી દીધું. આ કપલ આંટી સાથે રકઝક કરવા લાગ્યું, આ દરમિયાન કોઈએ આ વિડીયો બનાવીને સોશિયલ મીડિયા પર અપલોડ કરી દીધો, જે વાયરલ થઈ રહ્યો છે.
વાયરલ થયેલ ક્લિપમાં જોઈ શકો છો કે, એક આંટી કપલની આ પ્રકારની હરકતોને કારણે ચિઢાઈ જાય છે. ત્યારપછી કપલ સાથે બહેસ કરવા લાગે છે. આંટી કપલને કહે છે કે, ‘જે કરવું હોય તે ઘરમાં કરો અહીંયા નહીં, થોડી શરમ આવવી જોઈએ.’ જેના જવાબમાં છોકરો કહે છે કે, ‘ઊભા રહીને વાત કરવામાં ખોટું શું છે અને શરમ શેની.’ ત્યારપછી આ વાત ખૂબ જ વધી જાય છે અને કપલ તથા આંટી વચ્ચે તીખી રકઝક થવા લાગે છે. કપલ કહે છે કે, ‘તમને બોલવાનો કોઈ હક નથી, તમારા કામથી મતલબ રાખો.’
ટ્વિટર પર @gharkekalesh હેન્ડલ પરથી આ વિડીયો શેર કરવામાં આવ્યો છે અને ઝડપથી વાયરલ થઈ રહ્યો છે. યૂઝરે કેપ્શનમાં લખ્યું છે કે, મેટ્રોમાં આંટીને કપલનો ઊભો રહેવાનો અંદાજ પસંદ ના આવ્યો. આ સમગ્ર મામલો દિલ્હી મેટ્રો છે. 26 જૂનના રોજ આ વિડીયો શેર કરવામાં આવ્યો છે અને અત્યાર સુધીમાં આ વિડીયોને 7.4 લાખથી વધુ વ્યૂઝ મળ્યા છે. આ વિડીયો બાબતે ખૂબ જ કમેન્ટ કરવામાં આવી રહી છે.
એક યૂઝરે કમેન્ટ કરી છે કે, ‘દિલ્હીમાં આજકાલ શું ચાલી રહ્યું છે. શું મારે દિલ્હી ટ્રિપ કેન્સલ કરી દેવી જોઈએ.’ અન્ય યૂઝરે કમેન્ટ કરી છે કે, ‘આંટીએ વગર કામનો પંગો લેવાની કોશિશ કરી છે.’ અન્ય એક યૂઝર જણાવે છે કે, ‘આંટી તમારે ઊભા થઈને થપ્પડ મારી દેવો જોઈએ, તો જ એમને ખબર પડી હોત.’
