- ડેથ વેલી અમેરિકાના કેલિફોર્નિયામાં સ્થિત, રહસ્યને કારણે પ્રખ્યાત
- અહીં પત્થર એક જગ્યાએથી ચાલીને બીજી જગ્યાએ જાય છે
- આ આખો વિસ્તાર 225 કિમીના દાયરામાં ફેલાયેલો છે
રહસ્યનું નામ એટલે ડેથ વેલી
ડેથ વેલી અમેરિકાના કેલિફોર્નિયામાં સ્થિત છે. આ વેલી પત્થરોના કારણે વિશ્વભરમાં પ્રખ્યાત છે. આ વેલી અંગે કહેવામાં આવે છે કે અહીં પત્થર પોતાની જાતે ચાલીને એક જગ્યાએથી બીજી જગ્યાએ પહોંચે છે. જેનો પુરાવો પણ આ જગ્યાએ મળ્યો છે. જ્યારે પત્થર એક સ્થળેથી બીજા સ્થળે ખસીને જાય છે તો પત્થર તેના નિશાન છોડે છે. આ નિશાનને જોઈને એવુ લાગે છે કે જેમકે કોઈ ગાડી રણની ધૂળમાં પોતાના નિશાન છોડી રહી છે.
વૈજ્ઞાનિકો આ રહસ્યને ઉકેલવામાં અસક્ષમ
આ અંગે ઘણાં રિસર્ચ થયા છે કે ડેથ વેલીના પત્થર કેવીરીતે પોતાની મેળે ખસે છે. જોકે, રિસર્ચ કર્યા બાદ આજ સુધી વૈજ્ઞાનિકો આ રહસ્યને ઉકેલી શક્યા નથી. દેશ-વિદેશના ઘણાં પ્રવાસીઓ આ રહસ્યમય જગ્યાને વર્ષોથી જોવા આવે છે. કેલિફોર્નિયાના દક્ષિણ પૂર્વ સ્થિત નેવાદા રાજ્યની પાસે આ વૈલી સ્થિત છે. તમને જાણીને આશ્ચર્ય સર્જાશે કે આ આખો વિસ્તાર 225 કિમીના દાયરામાં ફેલાયેલો છે. તેમ છતાં આજ સુધી કોઈએ પણ આ પત્થરોને ચાલતા જોયા નથી. પરંતુ આ પત્થરો ખસ્યા બાદ પાછળ લાંબી રેખા છોડે છે. આ રેખાઓ પરથી ખબર પડે છે કે આ પત્થર એક સ્થાનેથી બીજા સ્થાને ખસી જાય છે.
વૈજ્ઞાનિકોમાં પણ સર્જાયુ હતુ આશ્ચર્ય
વર્ષ 1972માં આ રહસ્ય પરથી પડદો ઉઠાવવાનો પ્રયાસ કરવામાં આવ્યો હતો. જેના માટે અહીં વૈજ્ઞાનિકોની ટીમ આવી હતી. વૈજ્ઞાનિકોએ આ પત્થરો પર સાત વર્ષ સુધી રિસર્ચ કર્યુ. આ દરમ્યાન 317 કિલોગ્રામના એક પત્થરનો વૈજ્ઞાનિકોએ વિશેષ રીતે અભ્યાસ કર્યો હતો ત્યારે તે પત્થર બિલ્કુલ પણ હલ્યો ન હતો. પરંતુ થોડા વર્ષો બાદ જ્યારે વૈજ્ઞાનિકોએ ફરી વખત આ પત્થર અંગે જાણકારી મેળવવાનો પ્રયાસ કર્યો તો તે 1 કિલોમીટર દૂરથી મળ્યો હતો. ત્યારબાદ વૈજ્ઞાનિકો અચંબિત થયા હતા.
