ફાયરિંગ / આણંદમાં દબંગો વિફર્યાં, જમીન વિવાદમાં જુની અદાવત રાખીને ધડાધડ કર્યું ફાયરિંગ, સ્થાનિકોમાં ભયનો માહોલ

• આણંદમાં ગણેશ ચોડીના બ્રિજ નીચે ફાયરિંગની ઘટના 
• જુની અદાવતમાં 4 રાઉન્ડ ફાયરિંગ કરાયું 
• જમીન બાબતને લઈ ફાયરિંગ કરાયું હોવાનું આવ્યું સામે 

આણંદમાં ગણેશ ચોકડી બ્રિજ નજીક સાંજના સુમારે અચાનક જુની અદાવતમાં ફાયરિંગની ઘટના બનવા પામી હતી. જેમાં અજાણ્યા શખ્સોએ 4 રાઉન્ડ ફાયરિંગ કરતા સમગ્ર વિસ્તારમાં સનસનાટી મચી જવા પામી હતી. ત્યારે જમીન બાબતને લઈ ફાયરિંગ કરાયું હોવાનું જાણવા મળી રહ્યું છે. અજાણ્યા શખ્શો દ્વારા ફાયરિંગ કરતા કોઈ જાનહાનિ થવા પામી નથી. અચાનક જ અજાણ્યા શખ્શોએ ફાયરિંગ કરતા સ્થાનિકોમાં ભયનો માહોલ વ્યાપી જવા પામ્યો હતો. ત્યારે આ ઘટનાની જાણ પોલીસને થતા SOG, LCB ઘટના સ્થળે પહોંચી ચુસ્ત બંદોબસ્ત ગોઠવ્યો હતો.

સામ સામે પથ્થરમારા બાદ તેઓએ ફાયરીંગ કર્યુંઃ ગોહિલ અમન
ત્યારે આ બાબતે ગોહિલ અમન મહેન્દ્રભાઈએ જણાવ્યું હતું કે, અમે ક્રિકેટ રમીને આવી રહ્યા હતા. ત્યારે તેઓએ ગાડીઓ લઈ આવી અમને ઉભા રાખ્યા અને કહ્યું કે તમારે અહીંયાથી આવવાનું નહી અને જવાનું નહી તેવું કહી મારા મિત્રને એક દંડો માર્યો લાફા મારી દીધા. અને પછી તેઓ જતા રહ્યા પછી મારા મિત્રોને ફોન કરી બોલાવ્યા. અને કહ્યું કે આ રીતની ઘટના ઘટી છે.  જે બાદ મારા મિત્રો આવતા તે લોકો પણ દંડા કાઢી કાઢી બહાર ઉભા થઈ ગયા હતા. જે બાદ તેઓએ પથ્થરમારો શરૂ કર્યો હતો.  અમે પણ પથ્થરમારો શરૂ કર્યો હતો. તે લોકોને અમે ઓળખતા નથી. ત્યારે અમે પથ્થરમારો શરૂ કરતા તેઓએ ચાર રાઉન્ડ ફાયરીંગ કર્યું હતું. જે બાદ નાસભાગ મચી  જવા પામી હતી.