IPL 2024 / થેન્ક યુ, CSK...: IPL 2024 પહેલા ચેન્નઈ સુપર કિંગ્સે આ ઘાતક ઑલરાઉન્ડર ખેલાડીને કર્યો રીલીઝ

• IPLની 17મી સિઝન માટે ખેલાડીઓની હરાજી 19 ડિસેમ્બરે યોજાશે
• 10 ફ્રેન્ચાઇઝીઓએ તેમના રિટેન કરાયેલા ખેલાડીઓની યાદી 26  નવેમ્બર સુધી આપશે
• ચેન્નાઈ સુપર કિંગ્સની ટીમે ડ્વેન પ્રિટોરિયસને છોડવાનો નિર્ણય લીધો

Chennai Super Kings: ઈન્ડિયન પ્રીમિયર લીગની 17મી સિઝન માટે ખેલાડીઓની હરાજી પ્રક્રિયા 19 ડિસેમ્બરે યોજાશે. તે પહેલા તમામ 10 ફ્રેન્ચાઇઝીઓએ તેમના રિટેન કરાયેલા ખેલાડીઓની યાદી 26 નવેમ્બરે સાંજે 4 વાગ્યા સુધીમાં સબમિટ કરવાની રહેશે. આ વખતે ઘણા મોટા નામ હરાજીનો ભાગ બની શકે છે. પ્લેયર્સ ટ્રેડિંગ વિન્ડો નિયમ દ્વારા ફ્રેન્ચાઇઝીઓ દ્વારા કેટલાક ખેલાડીઓને તેમની ટીમનો હિસ્સો પણ બનાવવામાં આવ્યા છે. આ સિવાય IPLની 16મી સિઝનમાં ટાઈટલ જીતનાર ચેન્નાઈ સુપર કિંગ્સની ટીમે દક્ષિણ આફ્રિકાના ઓલરાઉન્ડર ખેલાડી ડ્વેન પ્રિટોરિયસને છોડવાનો નિર્ણય લીધો છે.

 

 

 

 

View this post on Instagram

 

 

 

 

 

 

 

 

 

 

 

A post shared by DWAINE PRETORIUS (@dwainep_29)

ચેન્નઈ સુપર કિંગ્સ ટીમ ડ્વેન પ્રિટોરિયસ છોડશે
ડ્વેન પ્રિટોરિયસને આઈપીએલની 16મી સીઝનમાં ચેન્નાઈ સુપર કિંગ્સ ટીમ માટે માત્ર એક જ મેચ રમવાની તક મળી હતી. જેમાં તે બોલિંગમાં વધુ પ્રદર્શન કરી શક્યો ન હતો. ઇન્સ્ટાગ્રામ પર પોસ્ટ કરીને પ્રિટોરિયસે ચેન્નાઈ સુપર કિંગ્સ ટીમના મેનેજમેન્ટ, કોચ, ખેલાડીઓ અને ચાહકોનો આભાર માન્યો હતો. આ દરમિયાન તેને પ્રોત્સાહિત કર્યો હતો. આ સિવાય પ્રિટોરિયસે ટીમને આગામી સિઝન માટે શુભેચ્છા પાઠવી છે. તમને જણાવી દઈએ કે ચેન્નાઈ સુપર કિંગ્સે વર્ષ 2022ની સીઝનમાં ડ્વેન પ્રિટોરિયસને પોતાની ટીમનો ભાગ બનાવ્યો હતો જ્યારે તેણે આ ખેલાડીને 50 લાખ રૂપિયામાં હરાજીમાં લીધો હતો. પ્રિટોરિયસને માત્ર 7 IPL મેચોમાં રમવાની તક મળી હતી. જેમાં તેણે બોલિંગમાં માત્ર 6 વિકેટ લીધી અને બેટિંગમાં 11ની એવરેજથી માત્ર 44 રન જ બનાવી શક્યો હતો.

બેન સ્ટોક્સ પણ નહી રેમ
ચેન્નાઈ સુપર કિંગ્સ આગામી સિઝન માટે ખેલાડીઓની હરાજીમાં જતા પહેલા બેન સ્ટોક્સને છોડવાનું પણ નક્કી કરી શકે છે. જેમણે પહેલાથી જ સ્પષ્ટ કરી દીધું છે કે તે IPL 2024 સિઝન નહીં રમે. આવી સ્થિતિમાં બેન સ્ટોક્સના રિલીઝ સાથે 16.25 રૂપિયા ચેન્નાઈના પર્સમાં આવશે. જે હરાજીમાં તેમની ટીમમાં વધુ સારા વિકલ્પોનો સમાવેશ કરવામાં પણ મદદ કરશે.