વિસનગર / 'ડેરીના ચેરમેન બનવા માટે 100થી 200 ગાય-ભેંસ રાખવી પડે, 5 ભેંસોમાં ખબર ન પડે' : CR પાટીલનું સૂચક નિવેદન

• વિસનગર ખાતે સી.આર.પાટીલનું સૂચક નિવેદન
• ડેરીના ચેરમેન બનવા માટે 100થી 200 ગાય-ભેંસ રાખવી પડેઃ પાટીલ
• આવો નિયમ બને તો જ ચેરમેનને ગાય-ભેંસનો ખ્યાલ આવેઃ પાટીલ

મહેસાણા જિલ્લાના વિસનગરમાં ભાજપ પ્રદેશ પ્રમુખ સી.આર. પાટીલની ઉપસ્થિતિમાં આયોજિત કેબિનેટ મંત્રી ઋષિકેશ પટેલ અને દૂધસાગર ડેરીના ચેરમેન અશોક ચૌધરીનો સન્માન સમારોહ યોજાયો હતો. 

આ કાર્યક્રમમાં સી.આર. પાટીલે મહત્વનું નિવેદન આપ્યું છે. તેમણે કહ્યું કે, ડેરીના ચેરમેન બનવા માટે 100થી 200 ગાય-ભેંસ રાખવી પડે. આવો નિયમ બને તો જ ચેરમેનને ગાય-ભેંસનો ખ્યાલ આવે. ગાય અને ભેંસની શું કાળજી લેવી જોઇએ તેનો ખ્યાલ આવી શકે. ગાય અને ભેંસોની કાળજી કેવી રીતે લેવી તેની 5 ભેંસોમાં ખબર ન પડે.

Live: પ્રદેશ અધ્યક્ષ શ્રી @CRPaatil ની વિશેષ ઉપસ્થિતિમાં આયોજિત કેબિનેટ મંત્રી શ્રી @Rushikeshmla અને દૂધસાગર ડેરીના ચેરમેન શ્રી @ashoksunrise નો સન્માન સમારોહ સ્થળ: વિસનગર https://t.co/hKVZIZayBX

— BJP Gujarat (@BJP4Gujarat) April 24, 2022

 
આ કાર્યક્રમ દરમિયાન મોટી સંખ્યામાં કોંગ્રેસના કાર્યકરો ભાજપમાં જોડાયા હતા. તો મહેસાણા નપાના કોંગ્રેસના એક કોર્પોરેટર પણ ભાજપમાં જોડાયા હતા. દશરથ ભાઈ ચૌધરી અને તેમના સમર્થકો પણ ભાજપમાં જોડાયા હતા.