- જાણીતા વાયરોલોજીસ્ટે કોરોનાની ત્રીજી લહેરને લઈને આપ્યું ખાસ નિવેદન
- જો કોઈ નવો વેરિઅન્ટ નહીં આવે તો કોરોનાની ત્રીજી લહેરનું રિસ્ક ઓછું રહેશે
- કેસ વધ્યા તો પણ બીજી લહેર જેટલા નહીં વધે
દેશમાં કોરોનાની બીજી લહેરના કેટલાક મહિના પહેલાથી હાહાકાર મચ્યો હતો. બીજી લહેર દેશમાંથી વિદાય લઈ ચૂકી નથી ત્યાં દક્ષિણ ભારતીય રાજ્ય કેરળમાં તેનો કહેર વધ્યો છે. અહીં ડેલ્ટા વેરિઅન્ટ કારણ બન્યો છે. બીજી લહેર બાદ લોકોમાં ત્રીજી લહેરનો ડર જોવા મળી રહ્યો છે. આ સમયે સંક્રામક રોગ વિશેષજ્ઞ ડો. ગગનદીપ કાંગે કહ્યું કે જો કોઈ નવો વેરિઅન્ટ નહીં આવે તો ત્રીજી લહેરનો ખતરો ઓછો રહેશે. જો કોરોનાના કેસ વધશે તો પણ તે બીજી લહેર જેટલા નહીં વધે.
બાળકોને લઈને કહી આ વાત
બાળકોના વેક્સીનેશનને લઈને ગગનદીપ કાંગે કહ્યું કે ભારતે તેના ડેટા પર ભરોસો કરવો. તેઓએ કહ્યું કે ઘણા ઓછા સ્ટડી છે જેમાં કહેવાયું છે કે કેટલા બાળકો કોરોના સંક્રમિત થશે અને કેટલા કેસ ગંભીર બનશે. અમેરિકા, ઈઝરાયલ અને અન્ય યૂરોપીય દેશોએ બાળકોના વેક્સીનેશનની પ્રક્રિયા શરૂ કરી છે. બ્રિટનના એડવાઈઝરી પેનલે આમ કરવાની મનાઈ કરી છે. ભારતને માટે ગગનદીપ કાંગે કહ્યું કે અમે અમારા ડેટા પર વિશ્વાસ રાખવામાં માનીએ છીએ. અમારી પાસે બાળકોને માટે નિર્ણય લેવા માટે યોગ્ય ડેટા હોવો જોઈએ.
ભારતમાં બાળકોની 4 વેક્સીનના ટ્રાયલને મળી છે મંજૂરી
- ઝાયડસ કેડિલાની ઝાયકોવ ડીને ભારતમાં ઈમરજન્સી યૂઝની મંજૂરી મળી છે. આ વેક્સીનને 12-18 વર્ષના બાળકો માટે યૂઝ કરી શકાશે.
- સીરમ ઈન્સ્ટિટ્યૂટની કોવોવેક્સને બીજા અને ત્રીજા ટ્રાયલની મંજૂરી મળી છે. આ વેક્સીન 2-17 વર્ષના બાળકો માટે યૂઝ કરી શકાશે.
- ભારત બાયોટેકની કોવૈક્સીનનું બીજા અને ત્રીજા ફેઝનું ટ્રાયલ ચાલી રહ્યું છે. આ વેક્સીને 2-18 વર્ષના બાળકો માટે યૂઝ કરી શકાશે.
- બાયોલોજિકલ ઈ લિમિટેડ કેટલીક શરતોની સાથે 5-18 વર્ષના ઉંમરના બાળકો પર કોવિડ 19 વેક્સીન કોર્બેવેક્સના બીજા અને ત્રીજા ચરણના ક્લિનિકલ ટ્રાયલની મંજૂરી મેળવી ચૂકી છે.
