- એર ઈન્ડિયાની ફ્લાઈટમાં મહિલા મુસાફર પર પેશાબનો મામલો
- આરોપી શંકર મિશ્રાના વકીલે નવી દાવ ખેલ્યો
તાજેતરમાં એર ઈન્ડિયાની ફ્લાઈટમાં પ્રશાબકાંડનો મુદ્દો ગાજી રહ્યો છે. જેમાં ફ્લાઈટમાં મહિલા મુસાફર પર પેશાબ કરનાર આરોપી શંકર મિશ્રાની પોલીસ કસ્ટરટીમાં હાજર કરાયો નથી. આ મામલે વકીલે નવો દવ ખેલતા કહ્યું કે શંકર મિશ્રાના વકીલે કોર્ટમાં નિવેદન આપતા કહ્યું કે ફરિયાદ કરનારા મહિલાની સીટ બ્લોક હોવાથી ત્યાંથી વોશરૂમ સુધી પહોંચવું મુશ્કેલ હતું. આ દરમિયાન મહિલાને સમસ્યા હતી અને મહિલાએ પોતે જ પોતા પર પેશાબ કર્યો હોવાનો વકીલે દાવો કર્યો હતો. આ મહિલા કથક ડાન્સર છે જેમ 80 ટકા મહિલાઓમાં આ સમસ્યા જોવા મળતી હોય છે.
કોર્ટના જજે અવલોકન કરતા કહ્યું....
આ અંગે કોર્ટના જજે કહ્યું હતું કે, મેં પણ ફ્લાઈટમાં મુસાફરી કરી છે. કોઈ પણ ફ્લાઈટમાં એક બાજુથી બીજી તરફ જવું અશક્ય નથી. જજે કહ્યું કે કોઈ પણ સીટ પરથી બીજી સીટ પર જઈ શકાય છે. ઉલ્લેખનિય છે કે, 7 જાન્યુઆરીએ મેજિસ્ટ્રિયલ કોર્ટે આરોપીને પોલીસ કસ્ટડીમાં મોકલવાનો મનાઈ કરી દીધી હતી. આ ઘટનાને લઈને દિલ્હી પોલીસે રિવ્યુ પિટિશન દાખલ કરી હતી. જેની સેશન્સ કોર્ટમાં સુનાવણી હાથ ધરાઈ છે. જોકે કોર્ટે આરોપીની પોલીસ કસ્ટરડીની માંગ ફગાવી દીધી છે.
શું હતો સમગ્ર મામલો?
ન્યૂયોર્કથી દિલ્હી આવી રહેલી 26 નવેમ્બરની ફ્લાઇટમાં નશામાં ધૂત એક પુરુષ પેસેન્જરે એક મહિલા પેસેન્જર ઉપર પેશાબ કરી દીધેલ હતું. આ સમગ્ર મામલા પર એયર ઇન્ડિયાનાં પ્રવક્તાએ બુધવારે પોતાના નિવેદનમાં જણાવ્યું કે એયરલાઇનનાં મામલાને ઘણી ગંભીરતાથી લેવામાં આવ્યું છે. પ્રવક્તા અનુસાર કંપનીએ આરોપી યાત્રી પર આવનારાં 30 દિવસ સુધી યાત્રા કરવા પર પણ પ્રતિબંધ લગાવી દીધેલ છે. તેમણે કહ્યું કે કંપની પાસે કોઇપણ યાત્રીની યાત્રા પર વધુમાં વધુ 30 દિવસનો પ્રતિબંધ લગાવવાનો અધિકાર હોય છે.
