- પંજાબ, હરિયાણા અને મધ્ય પ્રદેશની સ્થિતિ ખરાબ
- પૂર્વ વિસ્તારની સરખામણીએ દેશના પશ્ચિમ વિસ્તારમાં મામલા ઝડપથી વધી રહ્યા
- કેરળ, બિહાર અને ઓડિશામાં કોવિડ મામલા સાત દિવસોના સરેરાશ ઘટ્યા
કોરોના વાયરસના દર્દીઓની સંખ્યા સતત વધી રહી છે. મહારાષ્ટ્ર ઉપરાંત દેશના વધુ 3 રાજ્ય કોરોના હોટસ્પોર્ટ તરીકે ઉભી રહ્યા છે. આ રાજ્યોમાં મળેલા કોવિડના આંકડા ડરાવના છે. રોજ મળી રહેલા દર્દીઓ ઉપરાંત દેશમાં પોઝિટિવિટી દરમાં પણ ઘણો વધારો જોવા મળી રહ્યો છે.
પંજાબ, હરિયાણા અને મધ્ય પ્રદેશની સ્થિતિ ખરાબ
એક અખબારનું એનાલિસિસ દર્શાવે છે કે પંજાબ, હરિયાણા અને મધ્ય પ્રદેશની સ્થિતિ ખરાબ છે. એનાલિસિસના જણાવ્યાનુંસાર આ 3 રાજ્યોમાં બિમારીનું હોટસ્પોર્ટ બનવાનો ખતરો મંડરાઈ રહ્યો છે. દેશના નવા હોટસ્પોર્ટને જાણવા માટે 20થી વધારે વસ્તી વાળા વિસ્તારોના ડેટા લેવામાં આવ્યા હતા. આ દરમિયાન 3 બાબતો- વધતો પોઝિટિવિટી રેટ, વધતા રોજના મામલા અને પ્રતિ 10 લાખ લોકો પર ઓછું ટેસ્ટિંહ સામેલ કરવામાં આવ્યુ હતુ.
પૂર્વ વિસ્તારની સરખામણીએ દેશના પશ્ચિમ વિસ્તારમાં મામલા ઝડપથી વધી રહ્યા
એનાલિસિસમાં રાજ્ય અને જિલ્લા સ્તરનું સ્ટેટિસ્ટિક્સ ડેટા જણાવે છે કે પૂર્વ વિસ્તારની સરખામણીએ દેશના પશ્ચિમ વિસ્તારમાં મામલા ઝડપથી વધી રહ્યા છે. મહારાષ્ટ્રમાં હાલત બહું ચિંતાજનક બનેલી છે. દેશના અનેક રાજ્યોમાં સરકાર કોવિડ નિયમોને કડક કરી રહી છે. અનેક જિલ્લામાં નાઈટ કર્ફ્યુની જાહેરાત કરી ચૂકી છે. હાલમાં જ ગુજરાતમાં સરકારે રાજ્યના 8 મોટા શહેરોમાં સ્કુલોમાં જારી ઓફલાઈન ક્લાસ 10 એપ્રિલ સુધી બંધ કરવાનો નિર્ણય કર્યો છે.
મહારાષ્ટ્ર સિવાય આ ત્રણ રાજ્યોમાં ખતરાની ઘંટડી
3 રાજ્યોમાં સૌથી વધારે ચિંતા વધારનારું રાજ્ય પંજાબ છે. ગત 30 દિવસોમાં રાજ્યમાં રોજમાં મળી રહેલા મામલામાં 531 ટકાનો વધારો થયો છે. ત્યારે આ દરમિયાન અઠવાડિયાનો પોઝિટિવિટી દર 4.7 ટકા પોઈન્ટ સુધી વધ્યો છે. દેશમાં મહારાષ્ટ્ર ઉપરાંત બીજો સૌથી મોટી ઉછાળો હરિયાણામાં છે.
પંજાબ અને મહારાષ્ટ્ર પછી આ રાજ્યની સ્થિતિ ખરાબ
હરિયાણામાં ગત 30 દિવસોમાં 398 ટકા દરથી મામલા વધી રહ્યા છે. અહીં સરેરાશ પોઝિટિવિટી દર 2.2 ટકા પર છે. મધ્ય પ્રદેશમાં રોજ મળી રહેલા મામલાના દર 2.77 ટકા પર પહોંચી ગયો છે. અહીં પોઝિટિવિટી રેટ 3.3 ટકા વધી ગયો છે. મધ્ય પ્રદેશમાં ટેસ્ટિંગ દર પણ પરેશાન કરનારો છે. અહીં પ્રતિ 10 લાખ લોકો પર 191 ટેસ્ટ થયો છે.
અહીં મામલા ઘટ્યા છે
ગત 30 દિવસોમાં ભારતમાં કોવિડ 19ના નવા મામલા 7 દિવસમાં સરેરાશ 140 ટકાના દરથી વધ્યા છે. આ આંકડા મહામારીની બીજી લહેર તરફ ઈશારો કરી રહ્યા છે. આ ચાર રાજ્યો ઉપરાંત આંધ્ર પ્રદેશ, દિલ્હી અને ગુજરાતના આંકડા ચિંતિત કરનારા છે. આ ઉપરાંત કેરળ, બિહાર અને ઓડિશામાં કોવિડ મામલા સાત દિવસોના સરેરાશ ઘટ્યા છે. ગત એક મહિનામાં દેશના ફક્ત આ રાજ્યોમાં મામલા વધવાના ઓછા થયા છે.
