અમદાવાદ / જગન્નાથજી મંદિર અને ભદ્રકાળી મંદિર આજથી નહીં ખુલે, આ કારણ બન્યું જવાબદાર

• અમદાવાદના જગન્નાથ મંદિર અને ભદ્રકાળી મંદિરના દ્વાર આજે નહીં ખુલે
• બંન્ને મંદિરો  કન્ટેઇનમેન્ટ ઝોનમાં હોવાથી નહીં ખુલે

ઉલ્લેખનીય છે કે, જગતના નાથ એવા જગન્નાથજીનું મંદિર અને નગરદેવી તરીકે ઓળખાતા માં ભદ્રકાળી મંદિર કન્ટેનમેન્ટ ઝોનમાં હોવાથી દર્શનાર્થીઓ માટે મંદિર ખુલ્લું મુકાયું નથી જયારે અન્ય મંદિરોમાં દર્શનાર્થીએ દર્શન કરીને ખુશી અનુભવી હતી. 

કન્ટેનમેન્ટ ઝોનમાં આવેલા છે બન્ને મંદિર

નોંધપાત્ર છે કે કન્ટેનમેન્ટ ઝોનમાં બન્ને મંદિર આવતા હોવાથી મંદિરના ટ્રસ્ટીઓસરકાર સાથે વાતચીત કર્યા બાદ આગળનો મંદિર 15 જૂને ખુલ્લું મુકવું કે નહીં તે અંગે નિર્ણય લેવામાં આવશે. 

75 દિવસ બાદ ખુલ્યા મંદિરો

ઉલ્લેખનીય છે કે, ગુજરાતમાં 75 દિવસ બાદ મોલ, હોટેલ, રેસ્ટોરન્ટ, મંદિર અને શોપિંગ સેન્ટર ખુલી ગયા છે. સોમનાથ, દ્વારકાધીશ, અંબાજી, ચોટીલા સહિતના મંદિરો પર ભક્તો દર્શનાર્થે ઉમટ્યા છે. તો રાજ્યના મોટા શોપિંગ મોલ પણ ગ્રાહકો માટે ખુલી ગયા છે. 

બહારથી પ્રસાદ લઇ જઇ શકાશે નહીં

આ સાથે જ રેસ્ટોરન્ટ, હોટેલો અને પ્રવાસન સ્થળો પણ આજથી શરૂ થઇ ગયા છે. જોકે કેન્દ્ર અને રાજ્ય સરકારે તેને લઇને ગાઇડલાઇન જાહેર કરી છે. તેનું પાલન દરેક માટે અનિવાર્ય રહેશે. મંદિરોમાં 10 વર્ષથી ઓછી વયના અને 65 વર્ષથી વધારે વયના દર્શનાર્થીઓને પ્રવેશ અપાશે નહીં. સાથે જ મંદિર બહારથી પ્રસાદ પણ લઇ શકાશે નહીં.