ભણકારા / ચીન-હોંગકોંગે વધારી ચિંતા, શું હવે ભારતમાં આવશે કોરોનાની નવી લહેર? જાણી લો એક્સપર્ટનો જવાબ

• ચીનમાં 5000 સુધી કોરોનાના કેસો નોંધાઈ રહ્યાં છે
• ચીનમાં અનેક જગ્યાઓ પર લોકડાઉન લાગુ, મૂકાયા કડક પ્રતિબંધો
• ભારતમાં કોરોનાની નવી લહેરને લઇ એક્સપર્ટનો જવાબ

ઝીરો કોવિડ પોલિસીનું ચુસ્તપણે પાલન કરનાર ચીન એક વાર ફરી કોરોનાના વધતા જતા કેસોના કારણે ચિંતિત થઈ ગયું છે. કારણ કે ચીનમાં હવે સ્થિતિ એટલી વિસ્ફોટક બની ગઈ છે કે, હવે ફરીથી ઘણાં વિસ્તારોમાં લોકડાઉન લાદવામાં આવ્યું છે અને લોકો પર કેટલાંક પ્રકારનાં નિયંત્રણો પણ લાદવામાં આવ્યાં છે. હાલમાં, ચીનમાં ઓમિક્રોનના સબવેરિઅન્ટના કારણે BA.2 કેસમાં મોટો ઉછાળો આવ્યો છે.

સૌ પ્રથમ દક્ષિણ આફ્રિકામાં જોવા મળેલો આ સબવેરિઅન્ટ હવે ચીન સિવાય પશ્ચિમ યુરોપમાં પોતાની ઉપસ્થિતિ દેખાડી રહ્યું છે. વર્લ્ડ હેલ્થ ઓર્ગેનાઈઝેશન એમ માને છે કે, BA.2 પાસે ગ્રોથ એડવાન્ટેજ જરૂર છે પરંતુ તે જીવલેણ નથી. કારણ કે ચીન જેવાં દેશો શૂન્ય કોવિડ પોલિસી પર વધારે ભાર મૂકે છે. જેના કારણે ત્યાં હર્ડ ઇમ્યુનિટી સ્ટેજનો જન્મ થઈ શક્યો નથી. સંપૂર્ણ ફોકસ રસીકરણ પર આપવામાં આવ્યું. એ સિવાય વેક્સિનને લઈને કેટલાંક ભ્રામક સમાચાર પણ ત્યાં વાયરલ થયા હતાં જેની અસર ચીનમાં પણ જોવા મળી હતી.

શું ભારતમાં આવશે કોરોનાની ચોથી લહેર?

હવે આ ટ્રેંડને જોતા એવાં સવાલ ઊભા થઇ રહ્યાં છે કે, શું ભારતમાં પણ કોરોનાની વધુ એક નવી લહેર આવશે? જેમ કે, ચીન, પશ્ચિમી યુરોપ અને હોગકોંગમાં સતત કોરોનાનાં કેસો વધી રહ્યાં છે, તો શું ભારતમાં પણ એક વાર ફરી કોરોનાની ગંભીર પરિસ્થિતિ ઊભી થશે? આની વિશે કોવિડ ટાસ્ક ફોર્સના વડા નરેન્દ્રકુમારનું કહેવું છે કે, ભારતમાં BA.2 ના કારણે કોરોનાના કેસ વધવાની શક્યતાઓ ઓછી દેખાઈ રહી છે. તેમના મતે, કોરોનાની ત્રીજી લહેર દરમિયાન ભારતમાં 75% કેસ BA.2 સબવેરિઅન્ટના હતાં. આવી સ્થિતિમાં, IIT કાનપુર કે જે જૂનમાં નવી લહેરની આગાહી કરી રહ્યું છે, તેમાં વધુ દમ નથી દેખાતો.

ડૉ. રાજીવનું પણ માનવું છે કે, ભારત અને ચીનની પરિસ્થિતિમાં મોટો તફાવત છે. તેમણે જણાવ્યું કે, ભારતમાં સંક્રમણ, પુનઃસંક્રમણ અને પ્રગતિશીલ સંક્રમણ વધારે જોવા મળી રહ્યું છે, જેના કારણે અહીંના લોકોની રોગ પ્રતિકારક શક્તિમાં થોડોક વધારો થયો છે. ડૉ. રાજીવનું માનીએ તો આ કારણોસર ત્રીજી લહેર દરમિયાન કેસ જેટલાં ઝડપથી વધ્યાં, તેટલી જ ઝડપથી ઘટી પણ ગયા છે.

ભારત અને ચીનની પરિસ્થિતિમાં છે મોટો તફાવત

પરંતુ આ બધાની વચ્ચે વેક્સિનના બૂસ્ટર ડોઝને લઇને સતત ચર્ચા થતી રહી. ભારતમાં 60 ઉંમરથી વધારે ઉંમરવાળા લોકો માટે બૂસ્ટરને જરૂરથી મંજૂર કરવામાં આવ્યો પરંતુ હજુ તે તમામની માટે અનિવાર્ય નથી. આની વિશે ડૉક્ટર જયદેવન જણાવે છે કે, બીજો ડોઝ લાગ્યા બાદ જે પણ આગામી વેક્સિનનો ડોઝ લાગે છે, તે પહેલાંની તુલનામાં ઘણો નબળો હોય છે. તેઓએ એ વાત પર પણ ભાર મૂક્યો હતો કે, ભારતમાં જે વેક્સિન હાલમાં આપવામાં આવી રહી છે તે ઓમિક્રોનને કવર નથી કરતી. પરંતુ અભ્યાસના આધારે એટલો ખ્યાલ જરૂરથી આવી ગયો કે, વેક્સિનના બે ડોઝ લેવાથી બીમારી ઘાતક નથી થતી અને દર્દીને બચાવી શકાય છે.