- જો મહિલાઓ આ ગોળીઓ ખાશે તો થશે મોટું નુકસાન
- ગર્ભ નિરોધક ગોળીઓના વધુ ઉપયોગથી ફર્ટિલિટી પાવર પણ પડે છે નબળો
- રાષ્ટ્રીય પરિવાર સ્વાસ્થ્ય સર્વેક્ષણ દ્વારા કરાયેલા સર્વેમાં આવી ચોંકાવનારી વિગતો
સમયસર ગર્ભધારણ કરવા શું કરશો?
ભારતના ઈતિહાસમાં આવુ પ્રથમ વખત બન્યું છે, જ્યાં ગર્ભનિરોધકના વધી રહેલા ઉપયોગને પગલે ટોટલ ફર્ટિલિટીરેટ એટલેકે ટીએફઆરમાં આવેલી કમી રિપ્લેસમેન્ટના સ્તરથી પણ નીચે ઉતરી છે. તમારી ચિંતા વધારનારી વાત એ છે કે ગર્ભ નિરોધક ગોળીઓના વધુ ઉપયોગ કરવાથી ફર્ટિલિટી પાવર પણ કમજોર થાય છે. એવામાં તમારે આ ગોળીને ખાતા પહેલા થોડું સમજવુ જોઈએ. તો આવો જાણીએ કે આ ફર્ટિલિટી શું હોય છે? શું ગર્ભ નિરોધક ગોળીઓનો ઉપયોગ કરવાથી ફર્ટિલિટી પાવર ઓછો થાય છે? જો તમારે સમયસર ગર્ભ ધારણ કરવુ છે તો શું કરવુ?
સર્વેમાં સામે આવ્યું
મીડિયા રિપોર્ટસ મુજબ, તાજેતરમાં રાષ્ટ્રીય પરિવાર સ્વાસ્થ્ય સર્વેક્ષણ દ્વારા કરાવવામાં આવેલા સર્વેમાં સામે આવ્યું છે કે 2015-16 બાદ ફેમિલી પ્લાનિંગ માટે ગર્ભ નિરોધકની આધુનિક રીત અપનાવવામાં 8.7 ટકાનો વધારો થયો છે. જોકે, આ સારી વાત છે. આ એ વાત તરફ ઈશારો થઇ રહ્યો છે કે ભારતમાં વસ્તીમાં વધારો ઘટી રહ્યો છે. આ સર્વે બાદ બર્થ કંટ્રોલ અને ઈનફર્ટિલિટીના વચ્ચેના સંબંધો અંગે એક નવી ચર્ચા છેડાઈ છે.
જાણો શું હોય છે ઈનફર્ટિલિટી?
વિશ્વ સ્વાસ્થ્ય સંગઠનનું માનવુ છે કે વંધ્યત્વ પુરૂષ અથવા મહિલા પ્રજનન પ્રણાલીનો એક વિકાર છે. જેને 12 મહિના અથવા તેનાથી વધુ સમય સુધી જાતિય સમાગમ કર્યા બાદ પણ ગર્ભધારણ કરવામાં અસમર્થ હોવાની દ્રષ્ટિએ જોવામાં આવે છે. વર્તમાન સમયમાં વંધ્યત્વની સમસ્યાથી વિશ્વભરના લાખો દંપત્તિઓ ઝઝૂમી રહ્યાં છે. માનવામાં આવે છે કે વંધ્યત્વ ઘણાં કારણોથી થાય છે. જેમકે, ટ્યુબલ ડિસઓર્ડર (બ્લોક્ડ ફેલોપિયન ટ્યુબ), યુટેરસ ડિસઓર્ડર (એન્ડોમેટ્રિયોસિસ), જન્મજાત વિકાર (સેપ્ટેટ યુટેરસ), ઓવરી ડિજીજ (પોલીસિસ્ટિક ઓવેરિયન સિન્ડ્રોમ) અને હાર્મોનલ અસંતુલન. આ સાથે સંભવિત રૂપથી એક જેનેટિક કન્ડીશન પણ અન્ય કારણ જણાવવામાં આવ્યું છે. દેશમાં પરિવાર નિયોજન માટે સૌથી વધારે કોન્ડોમ, ટેબલેટ, વઝાઈનલ રિંગ્સ, ગર્ભ નિરોધક ઈન્જેક્શન અને ઈન્ટ્રોટરીન ડિવાઈસનો ઉપયોગ કરવામાં આવે છે. જો કે ગર્ભધારણ કરવાની યોજના વખતે તમારે આ વસ્તુનો ઉપયોગ બંધ કરવાનો હોય છે.
