OMG / દો ઘૂંટ મુઝે ભી પીલા દે... પાલતુ શ્વાનને લાગી દારૂની લત, પીધા વગર નહોતી આવતી ઊંઘ, બાદમાં આ રીતે થયો ઈલાજ

• પાલતૂ શ્વાનને લાગી દારુની આદત
• દારુનાં સેવન વિના સૂઈ નહોતો શકતો ડોગ
• ટ્રસ્ટ વ્યસન છોડાવવામાં રહ્યું સફળ

આપણે એવું તો સાંભળ્યું છે કે માણસોને દારુનાં સેવનની આદત પડી જાય છે અને પછી આ વ્યસન છોડવું અઘરું થઈ જાય છે. એવું જ કંઈક બ્રિટનમાં રહેતા એક લેબ્રાડોર ડોગ સાથે થયું છે. કોકો નામનાં 2 વર્ષીય શ્વાનની ડ્રિંક કરવાની ખરાબ આદત તેના જૂના માલિકના લીધે લાગી હતી કારણકે માલિક દારુ પીયા બાદ બોટલ બહાર છોડી દેતો હતો અને કોકો તેનું સેવન કરવા લાગ્યો. છેલ્લે ડોગને પણ વ્યસન લાગી ગયું.

છેલ્લે કરવો પડ્યો ઈલાજ
મીડિયા અનુસાર 2 વર્ષનાં આ કૂતરાનાં માલિકની મૃત્યુ બાદ તેને ડેવોનમાં વુડસાઈડ એનિમલ રેસ્ક્યૂ ટ્રસ્ટને એક અન્ય શ્વાન સાથે સોંપી દીધું.જ્યારે એનિમલ વેલફેયર ચેરિટીને શ્વાનની આ આદત વિશે ખબર પડી ત્યારથી જ તેઓ કોકોની આ આદત છોડાવવાનાં અભિયાનમાં જોડાઈ ગયાં. 

દારુનાં વ્યસનથી મુક્તિ મેળવનાર પહેલો ડોગ બન્યો કોકો
એનિમલ વેલફેર ચેરિટીએ ફેસબુક પેજ પર 4 એપ્રિલનાં એક પોસ્ટ શેર કરી હતી જેમાં કોકોની સમગ્ર ટ્રીટમેંટની કહાણી તેમણે જણાવી. ટ્રસ્ટ દ્વારા કરવામાં આવેલી પોસ્ટમાં જણાવાયું કે કોકો ગંભીરરૂપે અસ્વસ્થ હતો અને તેની 24 કલાક સારસંભાળ રાખવી પડતી હતી. 4 અઠવાડિયા સુધી આ શ્વાન બેભાન હતું. ટ્રસ્ટએ જણાવ્યું કે તે હવે સ્વસ્થ અને સુરક્ષિત છે અને તેને આ વ્યસનમાંથી મુક્તિ મળી ગઈ છે.