લુચ્ચાઈ / ચીને પોતાના સૈનિકોની જાનહાનીની માહિતી છુપાવી, છતાં ચીની મીડિયાએ કહ્યું કે...

• ચીન સરખામણી કરીને જનતાની લાગણીઓને ભડકાવવા નથી માંગતું 
•  અથડામણોમાં 43 ચીની સૈનિકોના મોત અથવા ઘાયલ થયાના સમાચાર 
• ચીની મીડિયાએ કહ્યું આ કામ સદ્ભાવના સમાન છે

હવે ચીનના અખબાર ગ્લોબલ ટાઇમ્સના એડિટર-ઇન-ચીફ હૂ શીજિન (Hu Xijin)એ ચીનની આર્મી પીપલ્સ લિબરેશન આર્મી (પીએલએ)ના જવાનોની જાનહાની અંગે માહિતી ન આપવાની બાબતને બેજિંગની સદ્ભાવના ગણાવી છે. ટ્વિટ કરીને તેમણે કહ્યું છે કે મને લાગે છે કે ચીને આ એટલા માટે કર્યું છે કે જેથી બંને દેશોની જાનહાનિની ​​તુલના કરીને લોકોની લાગણી ઉશ્કેરવામાં ન આવે. આને ટાળી શકાય છે.

આ અગાઉ ગ્લોબલ ટાઇમ્સના એક પત્રકારે ટ્વીટ દ્વારા આ અથડામણમાં પાંચ ચીની સૈનિકોની જાનહાની અંગે માહિતી આપી હતી. ત્યારે ગ્લોબલ ટાઇમ્સના એડિટર ઈન ચીફે ટ્વીટ કરીને ભારતને ચેતવણી આપી હતી. ગ્લોબલ ટાઇમ્સના એડિટર ઈન ચીફે ટ્વીટ કર્યું હતુ કે ભારતે ચીનના સંયમને નબળાઇ ન માનવી જોઈએ. ઉલ્લેખનીય છે કે આ ઘટનાને લઈને ચીનના વિદેશ મંત્રાલયે પોતાના સત્તાવાર નિવેદનમાં ભારત પર ઘુસણખોરીનો આરોપ મૂક્યો હતો.

ઉલ્લેખનીય છે કે મેના આરંભથી જ ભારત અને ચીન વચ્ચે તણાવ ચાલી રહ્યો છે. ચીની સેના એલએસીને પાર કરીને ભારતીય સરહદમાં પેંગોંગ લેક અને ગેલવાન ખીણમાં આવી છે. બંનેએ સરહદ પર સૈન્યની પોસ્ટિંગ શરૂ કર્યુ હતુ. આ મુદ્દે સૈન્ય સ્તરે બંને દેશો વચ્ચે અનેક વાતચીત બેઠક પણ થઈ હતી. ત્યારબાદ ચીની સેનાએ બે કિલોમીટર પીછેહઠ કરી હતી.