- ગૃહમંત્રી અમિત શાહ અરુણાચલ પ્રદેશની યાત્રાએ
- ચીન આ યાત્રાને લઈને દર્શાવી રહ્યું છે વિરોધ
- ચીને કહ્યું,સીમાની સ્થિતિ અને શાંતિ માટે એ અનુકૂળ નથી
કેન્દ્રીય ગૃહમંત્રી અમિત શાહે હાલમાં અરુણાચલ પ્રદેશનાં પ્રવાસે છે. 2 દિવસિય યાત્રા પર પહોંચેલા અમિત શાહે અરુણાચલ પ્રદેશનાં કિબિથૂ વિસ્તારમાં વાઈબ્રેન્ટ વિલેજ પ્રોગ્રામની શરૂઆત કરી. તેનાથી સીમાવર્તી ગામડાઓમાં રહેનારાં લોકોનાં જીવનની ગુણવત્તામાં સુધાર આવશે. આ સાથે જ પલાયન રોકવા અને સીમા સુરક્ષાને મજબૂત કરવાનાં ઉદે્શ્યથી પણ 'વાયબ્રન્ટ વિલેજ પ્રોગ્રામ' ઘણો મહત્વનો માનવામાં આવી રહ્યો છે.
ચીન કરી રહ્યું છે અમિત શાહની યાત્રાનો વિરોધ
અરુણાચલનો કિબિથૂ ગામ ચીનને અડીને આવેલો છે. અમિત શાહની વાઈબ્રેન્ટ વિલેજ યોજના પર 4800 કરોડ રૂપિયા ખર્ચ થશે. તેમની આ યાત્રા ઘણી મહત્વની માનવામાં આવી રહી છે કારણકે હાલમાં ચીને અરુણાચલનાં 11 સ્થાનોનાં નામ બદલી નાખ્યાં છે. અમિત શાહની આ વિઝીટથી ચીન હચમચી ગયું છે. ચીનનું કહેવું છે કે ભારતનાં ગૃહમંત્રીની અરુણાચલ પ્રદેશની યાત્રાથી તેમની પ્રાદેશિક સાર્વભૌમત્વનું ઉલ્લંઘન થયું છે.
અમિત શાહે આપ્યો વળતો જવાબ
અમિત શાહે ચીનને તીખો જવાબ આપતાં જનસંબોધન દરમિયાન કહ્યું કે સોઈની અણી જેટલું પણ કોઈ અતિક્રમણ નહીં કરી શકે, એવા જમાના ગયાં જ્યારે ભારતની ભૂમિ પર કોઈ અતિક્રમણ કરી શકતું હતું.
ચીનએ કરી આ યાત્રાની આલોચના
ચીને અમિત શાહની અરુણાચલ પ્રદેશની યાત્રાની આલોચના કરી છે. ચીની વિદેશ મંત્રાલયનાં એક પ્રવક્તાએ સોમવારે જણાવ્યું કે ચીન ભારતનાં ગૃહમંત્રીની અરુણાચલ પ્રદેશની યાત્રાનો દ્રઢ વિરોધ કરી રહ્યું છે અને ક્ષેત્રમાં તેમની ગતિવિધિયોને બેજિંગની પ્રાદેશિક સાર્વભૌમત્વનું ઉલ્લંઘન માનવામાં આવી રહ્યું છે.
ચીને કેટલાક સ્થળોનું હાલમાં જ બદલ્યું નામ
ચીને હાલમાં જ કેટલાક સ્થાનોનું નામ બદલી નાખ્યું છે જે ભારતનાં પૂર્વી રાજ્ય અરુણાચલ પ્રદેશમાં સ્થિત છે. પરંતુ ચીન તે વિસ્તારો પર પોતાનો દાવો કરી રહ્યું છે. ભારતીય ગૃહમંત્રી અમિત શાહની યાત્રા પરનાં એક પ્રશ્નનાં જવાબમાં ચીની વિદેશ મંત્રાલયનાં પ્રવક્તા વાંગ વેનબિનએ કહ્યું કે'જંગનાન ચીનનું ક્ષેત્ર છે. ભારતીય અધિકારીની જંગનાન યાત્રા ચીનની ક્ષેત્રીય સાર્વભૌમત્વનું ઉલ્લંઘન કરે છે અને સીમાની સ્થિતિ અને શાંતિ માટે એ અનુકૂળ નથી.'
