ચંદ્રયાન-3 / રોવર પ્રજ્ઞાન બન્યું ઊર્જાવાન: લેન્ડર વિક્રમે ઉતારેલો લેટેસ્ટ વીડિયો ઈસરોએ કર્યો જાહેર, મુખ્ય કામ શરૂ

• ISROએ રોવર પ્રજ્ઞાનનો વીડિયો શેર કર્યો
• લેન્ડિંગ સમયનાં વીડિયોમાં દેખાઈ રહ્યું છે સોલાર પેનલ
• આ પેનલ રોવરને ચંદ્ર પર ઊર્જા ઉત્પન્ન કરવામાં મદદ કરે છે

ISROએ ચંદ્રયાન-3 મિશનનાં રોવર 'પ્રજ્ઞાન'નાં લેન્ડર 'વિક્રમ'થી બહાર નિકળતા સમયે રોવર સાથે લાગેલ સોલાર પેનલને લઈને એક વીડિયો પોસ્ટ કર્યો છે. સ્પેસ એજન્સીએ પોતાના આ વીડિયોમાં લખ્યું કે કેવી રીતે સોલાર પેનલની મદદથી પ્રજ્ઞાન રોવર ઊર્જા મેળવી રહ્યું છે.

A two-segment ramp facilitated the roll-down of the rover. A solar panel enabled the rover to generate power.

Here is how the rapid deployment of the ramp and solar panel took place, prior to the rolldown of the rover.

The deployment mechanisms, totalling 26 in the Ch-3… pic.twitter.com/kB6dOXO9F8

— ISRO (@isro) August 25, 2023

ઈસરોએ ટ્વીટ કરી આપી જાણકારી
ઈસરોએ લખ્યું કે બે ખંડોવાળા રેંપે રોવરને ચંદ્રની સપાટી પર ઊતરવાની સુવિધા પ્રદાન કરી અને તેમાં એક સોલાર પેનલે રોવરને ઊર્જા ઉત્પન્ન કરાવવામાં મદદ કરી. વીડિયોમાં જણાવવામાં આવ્યું છે કે રોવર ઊતારવા પહેલા રેંપ અને સોલાર પેનલને કઈ રીતે ઝડપથી તૈનાત કરવામાં આવ્યાં. ચંદ્રયાન-3 મિશનમાં કુલ 26 તૈનાતી તંત્ર લાગેલા છે જેને UR રાવ સેટેલાઈટ સેન્ટર/ઈસરો, બેંગલૂરુમાં વિકસિત કરાવવામાં આવ્યાં હતાં.'

... ... and here is how the Chandrayaan-3 Rover ramped down from the Lander to the Lunar surface. pic.twitter.com/nEU8s1At0W

— ISRO (@isro) August 25, 2023

ઈસરોએ બહાર આવતા રોવરનો વીડિયો કર્યો જાહેર
ઈસરોએ વિક્રમ લેન્ડરમાંથી પ્રજ્ઞાન રોવર બહાર આવતો વીડિયો પણ જાહેર કર્યો છે. આ વિડિયો અદ્ભુત છે. અહીં તમે જોઈ શકો છો કે રોવર કેવી રીતે લેન્ડરના રેમ્પમાંથી બહાર આવી રહ્યું છે. રોવરની સોલાર પેનલ ઉંચી જોવા મળે છે. એટલે કે તે સૂર્યમાંથી ઉર્જા લઈને કામ શરૂ કરશે.  

ઉતરાણ પહેલા જ અદ્ભુત વિડીયો રીલીઝ થયો
આ પછી ઈસરોએ લેન્ડિંગ પહેલા વીડિયો જાહેર કર્યો. આ વીડિયો લેન્ડરમાં લગાવેલા લેન્ડર ઈમેજર કેમેરાથી બનાવવામાં આવ્યો છે. આ વીડિયોમાં સ્પષ્ટપણે બતાવવામાં આવ્યું છે કે કેવી રીતે લેન્ડર 30 કિમીથી નીચે આવ્યા બાદ ચંદ્રની સપાટી પર ઉતર્યું. આટલું જ નહીં, એવું પણ જોવા મળે છે કે તે પોતે ઉતરાણ માટે યોગ્ય જગ્યા પસંદ કરી રહ્યો છે. જેથી તે સુરક્ષિત ઉતરાણ કરી શકે.