- સમલૈંગિક મેરેજ માન્યતા અંગે કેન્દ્ર સરકારની અરજી
- સુપ્રીમ કોર્ટને આ અરજી ફગાવવા કરી માંગ
- કહ્યું હિંદૂ -મુસ્લિમ ધર્મમાં સેમ સેક્સ મેરેજ અમાન્ય છે
કેન્દ્ર સરકારે સમલૈંગિક લગ્નને કાયદાકીય મંજૂરી આપવાનો વિરોધ કર્યો છે. રવિવારે કેન્દ્ર સરકારે સુપ્રીમ કોર્ટમાં અરજી દાખલ કરી જેમાં સમલૈંગિક વિવાહને કાયદેસર બનાવવાની માંગ કરતી અરજીઓનાં સ્વીકાર પર સવાલો કર્યાં છે. સરકારે દલીલ કરતાં કહ્યું કે હિંદૂ અને મુસ્લિમ ધર્મમાં સેમ સેક્સ મેરેજ અમાન્ય છે.
હિન્દૂ-મુસ્લિમ ધર્મમાં સેમ સેક્સ મેરેજ અમાન્ય
સરકારે કહ્યું કે લગ્ન જેવા સામાજિક સંબંધો તમામ ધર્મોમાં ઘણું મહત્વ ધરાવે છે અને હિન્દૂ કાયદાની તમામ શાખાઓમાં તેને પવિત્ર માનવામાં આવે છે. કેન્દ્ર સરકારે કહ્યું કે મુસ્લિમ ધર્મ કે જેમાં લગ્ન એક કરાર છે તેમાં પણ માન્ય વિવાહ માત્ર એક પુરુષ અને સ્ત્રી વચ્ચે જ થાય છે.
લગ્ન પર નિર્ણય માત્ર સંસદ લઈ શકે છે સુપ્રીમ કોર્ટ નહીં- કેન્દ્ર
કેન્દ્ર સરકારે પોતાની અરજીમાં અનુરોધ કર્યો કે પહેલા એ વાતની સુનાવણી થવી જોઈએ કે આ અરજીઓ સુનાવણી યોગ્ય છે કે નહીં. સરકારે કહ્યું કે જે લોકો સેમ સેક્સ મેરેજને કાયદેસર માન્ય કરવાની માંગ કરી રહ્યાં છે તે શહેરી લોકો છે. આ સામાન્ય લોકોની સલાહ નથી. કેન્દ્ર સરકારે આ અરજીઓને ફગાવવાની માંગ કરી છે. કેન્દ્ર સરકારે કહ્યું કે સમલૈંગિક લગ્નને ભારતીય પરિવારની વિચારધારાથી વિરુદ્ધનું કહ્યું છે. કાયદામાં ઉલ્લેખ છે તે અનુસાર સમલૈંગિક વિવાહને માન્યતા ન આપી શકાય કારણકે તેમાં પતિ અને પત્નીની વ્યાખ્યા જૈવિક ધોરણે આપવામાં આવી છે અને એ જ આધારે અધિકાર પણ આપવામાં આવ્યાં છે. કેન્દ્ર સરકારે કહ્યું કે આ લગ્ન પર નિર્ણય માત્ર સંસદ લઈ શકે છે સુપ્રીમ કોર્ટ નહીં.
ચીફ જસ્ટિસ ઓફ ઈન્ડિયા ડી.વાય. ચંદ્રચૂડની આગેવાનીવાળી પીઠ આ મુદે મંગળવારે સુનાવણી કરશે.
