ચેતવણી / CBI અને ED ના અધિકારીઓ સામે જ FIR નોંધાવશે AAP: CM કેજરીવાલે લગાવ્યા ગંભીર આરોપ

• અરવિંદ કેજરીવાલે CBI અને ED અધિકારીઓ વિરુદ્ધ FIR કરશે 
• ખોટી જુબાની આપવા અને કોર્ટમાં ખોટા પુરાવા રજૂ કરવા બદલ FIR
• ED-CBIએ સિસોદિયાને ખોટી રીતે ફસાવ્યા: કેજરીવાલ

દિલ્હીના સીએમ અરવિંદ કેજરીવાલે શનિવારે એક ટ્વીટ કરીને કહ્યું છે કે અમે ખોટી જુબાની આપવા અને કોર્ટમાં ખોટા પુરાવા રજૂ કરવા બદલ નિયમો અનુસાર CBI અને ED અધિકારીઓ વિરુદ્ધ FIR નોંધાવશે. સીએમ અરવિંદ કેજરીવાલે શનિવારે તેમના લેટેસ્ટ ટ્વીટના થોડા સમય પહેલા એક પ્રેસ કોન્ફરન્સને સંબોધી હતી. મીડિયાને સંબોધતા તેમણે ભાજપના નેતાઓના આરોપોને જુઠ્ઠાણાનો પોટલો ગણાવ્યો હતો. એ પણ કહ્યું કે જ્યારે ઈડી અને સીબીઆઈને તપાસમાં કંઈ ન મળ્યું ત્યારે તેઓએ નકલી પુરાવા આપીને અને કોર્ટમાં ખોટું બોલીને મનીષ સિસોદિયા અને સત્યેન્દ્ર જૈનને જેલમાં ધકેલી દીધા.

We will file appropriate cases against CBI and ED officials for perjury and producing false evidence in courts

— Arvind Kejriwal (@ArvindKejriwal) April 15, 2023

ED-CBIએ સિસોદિયાને ખોટી રીતે ફસાવ્યા

સીએમ કેજરીવાલે કહ્યું કે તપાસ એજન્સીઓ દ્વારા મનીષ સિસોદિયા પર સૌથી મોટો આરોપ એ હતો કે તેણે પુરાવાનો નાશ કરવા માટે 14 ફોન તોડ્યા. આમ કરીને તેણે પુરાવાનો નાશ કરવાનો પ્રયાસ કર્યો. એટલું જ નહીં, EDની ચાર્જશીટમાં ફોનના IMEI નંબરનો પણ ઉલ્લેખ છે. આ સિવાય 18 માર્ચ 2023ના EDના સીઝરમાં કહેવામાં આવ્યું છે કે અમારી પાસે 14માંથી ચાર ફોન છે. એક સીબીઆઈ પાસે છે. એટલે કે 14માંથી 5 ફોન ED અને CBIના કબજામાં છે. બાકીના નવ ફોનનો ઉપયોગ અન્ય કરી રહ્યું છે. ED અને CBI પણ આ વાતથી વાકેફ છે. સત્ય એ છે કે ED અને CBIએ ખોટું બોલીને કોર્ટને ગેરમાર્ગે દોર્યા છે. આમ કરીને મનીષ સિસોદિયાને ફસાવવાનો પ્રયાસ કર્યો. આ જ કારણ છે કે હવે અમે સીબીઆઈ અને ઈડીના અધિકારીઓ સામે ખોટું બોલવા, કોર્ટને ગેરમાર્ગે દોરવા અને અન્ય કલમો હેઠળ કેસ દાખલ કરીશું.