ખતરો / સીધા વાળના ચક્કરમાં ક્યાંક કેન્સરના થઈ જાય! હેર સ્ટ્રેટનિંગ કરવું બની શકે છે જીવલેણ, જાણો કઈ વાતનું ખાસ ધ્યાન રાખવું જરૂરી

• વાળને સુંદર અને ચમકદાર બનાવવા માટે કરવામાં આવતી ટ્રિટમેન્ટથી બચો
• વારંવાર રસાયણો લગાવવાથી તમારા સ્વાસ્થ્ય માટે ગંભીર ખતરો બની શકે 
• ભારતમાં વાળ સીધા કરવા માટે ફોર્માલ્ડીહાઈડનો વ્યાપક ઉપયોગ થાય

દરેક વ્યક્તિની ઈચ્છા હોય છે કે તેમના વાળ સુંદર અને ચમકદાર હોય. પરંતુ ઘણી વખત વાળને સુંદર અને ચમકદાર બનાવવા માટે કરવામાં આવતી ટ્રિટમેન્ટ ખતરનાક સાબિત થઈ શકે છે. તમને સીધા અને ચમકદાર વાળ રાખવાની ઈચ્છા હશે પરંતુ તમારા માથાની ચામડી પર વારંવાર રસાયણો લગાવવાથી તમારા સ્વાસ્થ્ય માટે ગંભીર ખતરો બની શકે છે. તેનાથી કેન્સરનું જોખમ પણ વધી શકે છે. હાલમાં યુએસ ફૂડ એન્ડ ડ્રગ એડમિનિસ્ટ્રેશન (એફડીએ) એ વાળને સ્મૂથિંગ અને સ્ટ્રેટનિંગ પ્રોડક્ટ્સમાં ફોર્માલ્ડિહાઇડ અને અન્ય ફોર્માલ્ડિહાઇડ મુક્ત કરતા રસાયણોના ઉપયોગ પર પ્રતિબંધ મૂકવાનો પ્રસ્તાવ મૂક્યો છે. આ પગલાને ભારતના ડોકટરો દ્વારા પણ સમર્થન આપવામાં આવ્યું છે, જેઓ આ રસાયણ સાથે સંકળાયેલા ગંભીર સ્વાસ્થ્ય જોખમોને જુએ છે.

નિષ્ણાતો શું કહે છે

આ મામલે જાણિતા નિષ્ણાંતો કહે છે કે ઈન્ટરનેશનલ એજન્સી ફોર રિસર્ચ ઓન કેન્સર (IARC) દ્વારા તેને કાર્સિનોજેન (કેન્સર પેદા કરનાર પદાર્થ) ગણવામાં આવે છે અને નેશનલ ટોક્સિકોલોજી પ્રોગ્રામ જાય છે. તે નાસોફેરિંજલ અને સિનોનાસલ કેન્સર તેમજ લ્યુકેમિયાના વધતા જોખમ સાથે જોડાયેલું છે. ભારતમાં વાળ સીધા કરવા માટે વપરાતા રસાયણોમાં ફોર્માલ્ડીહાઈડનો વ્યાપક ઉપયોગ થાય છે. લોકો સારવાર દરમિયાન છોડવામાં આવતા ધુમાડાને શ્વાસમાં લે છે, જેના વારંવાર ઉપયોગથી કેન્સરનું જોખમ વધે છે.

વાંચવા જેવું : શિયાળો હોય કે ઉનાળો સવારથી માથું સતત દુખ્યા કરે છે? આ 5 રીતથી મળશે તદ્દન આરામ, પહેલું પાણી

ગર્ભાશય અને સ્તન કેન્સરનું જોખમ

વધુ એક નિષ્ણાંતના કહેવા મુજબ અભ્યાસો દર્શાવે છે કે 15 વર્ષથી વધુ સમય સુધી અને વર્ષમાં ઓછામાં ઓછા પાંચ વખત આવી સારવાર કરાવવાથી ગર્ભાશય અને સ્તન કેન્સરનું જોખમ વધી શકે છે. જો કે આ એકલા કેન્સરનું કારણ બની શકતા નથી, તે સરળતાથી રોકી શકાય છે, તેથી આ સારવારો ટાળવી જરૂરી છે.

આંખમાં બળતરા, નાક અને ગળામાં અસ્વસ્થતા

શરૂઆતમાં આ રસાયણોથી આંખમાં બળતરા, નાક-ગળામાં તકલીફ અને શ્વાસ લેવામાં તકલીફ જેવી સમસ્યાઓ થઈ શકે છે, પરંતુ લાંબા સમય સુધી ઉપયોગથી સ્તન અને ગર્ભાશયના કેન્સરનું જોખમ વધી જાય છે. આ જોખમોને ઘટાડવા માટે કડક નિયમોની જરૂર છે.

વાંચવા જેવું : જો તમે પણ શરીરમાં અનુભવી રહ્યાં આ 10 લક્ષણો? તો ચેતી જજો, હોઇ શકે છે આ ગંભીર બીમારીનો સંકેત