- લોન લાગી રહી છે બોજ!આ ઉપાય અપનાવો
- આ ટિપ્સને ફોલો કરવાથી તમે લોન આસાનીથી ભરપાઈ કરી શકશો
- નાહકનો ખર્ચ કરવાને બદલે લોન પાછળ રૂપિયા રોકવા જોઈએ
લોકોના ઘરના ઘરનું સપનું પૂરું કરવા માટે લોન મહત્વની ભૂમિકા ભજવે છે. કારણ કે લોન મારફતે તમે આસાનીથી પોતાનું ઘર ખરીદી શકો છો. પરંતુ ઘણી વખત વ્યક્તિને હોમ લોન બોજ લાગતી હોય છે. ત્યારે આ લોનનું ટેન્શન ખતમ કરવા માટે તે મથામણ કરતો હોય છે. આથી હોમ લોન માટે આપણે અમુક ટીપ્સ વિશે વાત કરશું. હોમ લોન એ ઘર માટે તો લાભ આપે જ છે પરંતુ ટેક્સમાં પણ તે મદદરૂપ થાય છે જોકે છતા પણ લોક જલ્દી ભરી દેવી જોઈએ. તેવું લોકો કહેતા હોય છે.
લોનની રકમ અન્ય બેન્કમાં ટ્રાન્સફર કરવી
હોમ લોન જલ્દી ચુકવણી કરવાની એક સહેલી રીત એ છે કે તમે હોમ લોનને બેલેન્સ ટ્રાન્સફર કરાવી શકો છો લોન ટ્રાન્સફરનો સીધો અર્થએ છે કે તમે બાકીની લોનની રકમ અન્ય બેન્કમાં ટ્રાન્સફર કરી શકો છો. જેમાં લોન પર ઓછું વ્યાજ વસૂલવામાં આવે! વ્યાજ ઘટતાની સાથે જ તમારો ઇએમઆઇ પણ ઘટી જશે અને જલ્દી પૈસા ચૂકવણી થઈ શકે છે.
તો જ અન્ય લોન લેવી
બેંકના હપ્તા સમયસર ન ભરાતા બેંક દંડનો ડામ પણ આપે છે. ત્યારે લોનની રકમ માથાના દુખાવા સમાન બની જાય છે. આથી લોન ઝડપથી ચુકવાય તે માટે ઓટોડેબિટ વિકલ્પ પસંદ કરવો જોઈએ. જેનાથી હપ્તો ચૂકી જવાના ચાન્સ ઘટી જાય છે.
વધુમાં જ્યાં સુધી તમારી હોમ લોન ચાલુ છે ત્યાં સુધી કોઈ ઇમર્જન્સી સિવાયની લોન લેવામાં પડવું જોઈએ નહીં! ક્રેડિટ કાર્ડ કે અન્ય એપ્સની પર્સનલ લોન જ્યારે નાણાકીય સ્થિતિ બગડી હોય ત્યારે જ લેવી જોઈએ.
આ ઉપરાંત બિનજરૂરી વસ્તુઓ પાછળ કરવામાં આવતા ખર્ચને અટકાવી દઈ ખર્ચને બદલે જે રકમ વધે છે તેને હોમ લોનમાં ટ્રાન્સફર કરવાથી પણ જલ્દી લોનમાંથી છુટકારો મેળવી શકાય છે. વધારાના પૈસાનો બચતનો ઉપયોગ કરવો જોઈએ. લોનની રકમ ઓછી હશે તો તમારું ઓછું વ્યાજ આવશે આથી લોનમાં રૂપિયા નાખવા જોઈએ. ઉપરાંત તમે એક સાથે મોટી રકમ આપીને વ્યાજ તથા મૂળ રકમ ટૂંકાવી શકો છો મોટાભાગના લોકો આ પદ્ધતિનો ઉપયોગ કરતા હોય છે.
