- ગયાંમાં દલાઇ લામાની જાસૂસ હોવાની વાત સામે
- પોલીસે શંકાસ્પદ જાસૂસનો સ્કેચ કર્યો જાહેર
- સ્થાનિકોની મદદથી શંકાસ્પદ મહિલા જાસૂસની ધરપકડ
બૌદ્ધ ધર્મ ગુરૂ દલાઇ લામા ગયાનાં બોધિગયામાં પ્રવાસ કરી રહ્યાં છે. આજે અહીં કાલચક્ર મેદાનમાં તેમની ટીચિંગ પણ શરૂ થઇ ગઇ. આ કાર્યક્રમમાં 40 દેશોનાં 50 હજારથી વધુ બૌદ્ધ શ્રદ્ધાળુઓનાં આવવાની વાત કહેવાઇ રહી છે. આ વચ્ચે ગયામાં એક ચીની જાસૂસ હોવાની વાત પણ સામે આવી છે. પોલીસે તે મહેલા જાસૂસનો સ્કેચ જાહેર કર્યો અને તેની તપાસ કરવાની શરૂ કરી છે. હવે જાણકારી મળી છે કે તે જાસૂસ પકડાઇ ગઇ છે અને તેની પૂછપરછ કરવામાં આવી રહી છે.
શંકાસ્પદ મહિલાનું સ્કેચ જાહેર
આ શંકાસ્પદ ચીની મહિલાનું નામ સાંગ જિયાલોન છે. તેનો વીઝા નંબર 901BAA2J અને પીપી નંબર EH2722976 છે. સ્કેચમાં દેખાડવામાં આવ્યું છે કે મહિલાએ ભિક્ષુનું રૂપ ધારણ કર્યું છે. તેનાી માથાં પર નાનાં-નાનાં વાળ છે અને દુબળી-પતળી કાયા છે.
ફોરેન સેક્ટરમાં મહિલાનો કોઇ રેકોર્ડ નથી
બિહારનાં પોલીસ મહાનિરીક્ષક એમ આર નાયકે કહ્યું કે બોધિગયા પોલીસ સ્ટેશનમાં તેની પૂછપરછ કરવામાં આવી રહી છે. બોધીગયાંમાં કોરોના સંક્રમણનાં કારણે માસ્ક અનિવાર્ય છે. તેવામાં જો ચીની મહિલા માસ્ક લગાવેલ ફરતી નજરે પડે તો તેને સરળતાથી ઓળખવું કઠીન કાર્ય છે. જણાવવામાં આવી રહ્યું છે કે આ ચીની મહિલા છેલ્લા 2 વર્ષોથી દેશનાં અલગ-અલગ વિસ્તારોમાં રહી છે. જો કે ફોરેન સેક્ટરમાં તેનો કોઇ રેકોર્ડ નથી.
પોલીસે સ્થાનિકોની મદદ લીધી
પોલીસે શંકાસ્પદ ચીની મહિલાની તપાસમાં સ્થાનિકોની મદદ લીધી હતી. આ કામમાં ગુપ્ત વિભાગ પણ સક્રિય છે. માહિતી અનુસાર ગયામાં ચીની જાસૂસનાં હોવાની માહિતી કેટલાક દિવસો પહેલા પોલીસ મુખ્યાલયે ગયા પોલીસને આપી હતી. હવે જ્યારે મહિલાનું સ્કેચ જાહેર કર્યું ત્યારે આ વાત બધાની સામે આવી ગઇ હતી. કહેવામાં આવી રહ્યું છે કે મહિલા જાસૂસ દલાઇ લામાથી જોડાયેલા કાર્યક્રમ અને બોધિગયાની બાબતોની જાણકારી લેવા માટે ત્યાં પહોંચી હતી.
વિદેશ મંત્રાલયે ટિપ્પણી પર કર્યો ઇનકાર
ચીની જાસૂસનાં ગયાંમાં હોવાની વાત સામે આવી ત્યારબાદ પોલીસે બોધિગયાનાં ગેસ્ટ હાઉસ, લોજ, હોટલ અને મઠોમાં તેની તપાસ શરૂ કરી. આ તમામની વચ્ચે વિદેશ મંત્રાલયે આ ઘટનાને સુરક્ષા સાથે સંકળાયેલો મુદો કહ્યો અને તેના પર ટિપ્પણી કરવા પર ઇનકાર કર્યો છે. આ બાબત પર પૂછતાં વિદેશ મંત્રાલયનાં પ્રવક્તા અરિંદમ બાગચીએ કહ્યું કે આ સુરક્ષા સાથે સંકળાયેલો મુદો છે તેના વિશે મને વધુ જાણકારી નથી. મને નથી લાગતું કે સુરક્ષા સંબંધી વાતચીત કરવાનો આ યોગ્ય મંચ છે.
